"QazAvtoJol" ŪK" AQ basşysy Meiırhat Qasymbaev öz erkımen qyzmetınen kettı. Būl turaly ol özınıŋ äleumettık jelıdegı paraqşasynda mälımdedı, dep habarlaidy “Adyrna” ūlttyq portaly.
"Bügın men öz erkımmen "QazAvtoJol" ŪK" AQ basqarma töraǧasy qyzmetınen ketemın. Ekı jylǧa juyq uaqyt boiy ärıptesterımızben bar küş-jıgerımızdı ūzaq merzımdı jol qūrylystaryn aiaqtauǧa jūmsadyq. Orasan zor jūmys atqaryldy. Bügıngı taŋda respublikalyq jol jelısınde toqtap tūrǧan bırde-bır joba joq dep nyq senımmen aita alamyn", – dedı Meiırhan Qasymbaev.
Qasymbaevtyŋ aituynşa, ol basşylyq etken ekı jyl ışınde 7 million tonna asfalt-beton qospasy töselgen, būl şamamen 2,5 myŋ şaqyrym jaŋa asfalt.
"Jol salasy el basşylyǧy tarapynan da, tūrǧyndar tarapynan da talai ret synǧa alynǧany jasyryn emes, bylaişa aitqanda, jüielı türde şeşımın tabudy qajet etetın tüitkıldı mäseleler köp", – delıngen jazbada.
Aita keteiık, būǧan deiın Almaty-Qorǧas tas jolyndaǧy penoplasty alyp, olqylyqty körsetken jurnalist Dias Nūraqynnyŋ jazbasyn jariialaǧan edık. Jazbada jurnalist üstınen aryz tüsken soŋ, basşy ornynan ketkenı aitylǧan.
