"QazAvtoJol" UK" AQ basshysy Meıirhat Qasymbaev óz erkimen qyzmetinen ketti. Bul týraly ol óziniń áleýmettik jelidegi paraqshasynda málimdedi, dep habarlaıdy “Adyrna” ulttyq portaly.
"Búgin men óz erkimmen "QazAvtoJol" UK" AQ basqarma tóraǵasy qyzmetinen ketemin. Eki jylǵa jýyq ýaqyt boıy áriptesterimizben bar kúsh-jigerimizdi uzaq merzimdi jol qurylystaryn aıaqtaýǵa jumsadyq. Orasan zor jumys atqaryldy. Búgingi tańda respýblıkalyq jol jelisinde toqtap turǵan birde-bir joba joq dep nyq senimmen aıta alamyn", – dedi Meıirhan Qasymbaev.
Qasymbaevtyń aıtýynsha, ol basshylyq etken eki jyl ishinde 7 mıllıon tonna asfalt-beton qospasy tóselgen, bul shamamen 2,5 myń shaqyrym jańa asfalt.
"Jol salasy el basshylyǵy tarapynan da, turǵyndar tarapynan da talaı ret synǵa alynǵany jasyryn emes, bylaısha aıtqanda, júıeli túrde sheshimin tabýdy qajet etetin túıtkildi máseleler kóp", – delingen jazbada.
Aıta keteıik, buǵan deıin Almaty-Qorǵas tas jolyndaǵy penoplasty alyp, olqylyqty kórsetken jýrnalıst Dıas Nuraqynnyń jazbasyn jarııalaǵan edik. Jazbada jýrnalıst ústinen aryz túsken soń, basshy ornynan ketkeni aıtylǵan.
