11 جەلتوقسان كۇنى ەنەرگەتيكا ۆيتسە-ءمينيسترى جاندوس نۇرماعانبەتوۆ قىزمەتىنەن كەتتى. بۇل تۋرالى ەنەرگەتيكا مينيسترلىگىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
نۇرماعامبەتوۆتىڭ ەلەكتر ەنەرگەتيكاسى، جىلۋ ەلەكتر ستانتسيالارى، جاڭارتىلاتىن ەنەرگيا كوزدەرى سالالارىن قاداعالاعانى بەلگىلى.
نۇرماعانبەتوۆ باسشىلىقپەن جانجالداسىپ قالعانى ءۇشىن جۇمىستان شىعىپ كەتتى دەگەن قاۋەسەت تارادى. وسىعان قاتىستى مينيسترلىك تۇسىنىكتەمە بەردى.
"ەنەرگەتيكا ۆيتسە-ءمينيسترى جاندوس نۇرماعامبەتوۆ 15 قاراشا مەن 15 جەلتوقسان ارالىعىندا ەڭبەك دەمالىسىنا شىعىپ، باسقا جۇمىسقا اۋىسۋىنا بايلانىستى كەيىن جۇمىستان بوساتىلدى.
ۆيتسە-مينيستر مەن ۆەدومستۆو باسشىلىعىنىڭ اراسىنداعى كيكىلجىڭ تۋرالى جەلىدە تارالىپ جاتقان اقپارات شىندىققا سايكەس كەلمەيدى", – دەدى ەنەرگەتيكا مينيسترلىگى.
ايتا كەتەيىك، جاندوس نۇرماعانبەتوۆ 2021 جىلدىڭ 13 جەلتوقسانىندا ەنەرگەتيكا ۆيتسە-ءمينيسترى بولدى.
1981 جىلى جامبىل وبلىسىندا دۇنيەگە كەلگەن. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن، حالىقارالىق بيزنەس ۋنيۆەرسيتەتىن، قورقىت اتا اتىنداعى قىزىلوردا مەملەكەتتىك ۋنيۆەرسيتەتىن، قمەبي-ءدى بىتىرگەن.
ەڭبەك جولىن 2003 جىلى جەكە قۇرىلىمداردا باستادى.
- 2005-2010 جىلدارى - "قىزىلوردا ايماقتىق ەلەكتر ەنەرگەتيكاسى كومپانياسى" اق باس ديرەكتورى.
- 2011-2013 جىلدارى - قىزىلوردا قالاسى سپك ۇك اق باسقارما توراعاسى.
- 2013-2019 جىلدار ارالىعىندا جەكە كومپانيادا جۇمىس ىستەگەن.
- 2020 جىلدان باستاپ قازىرگى ۋاقىتقا دەيىن "KEGOC" اق ستراتەگيا جانە دامۋ جونىندەگى باسقارۋشى ديرەكتورى قىزمەتىن اتقاردى.
