Elimiz órken jaıyp, keńge sermeýi úshin basty másele jas urpaqtyń bilimdi de tárbıeli bolyp jetilý ekeni belgili. Bilim berý júıesinde jańa tehnologııany qoldaný arqyly keleshek urpaqtyń erkin damýyna, jan-jaqty bilim alýyna, belsendi, shyǵarmashyl bolýyna jaǵdaı jasaý ár bilim ordasynyń mindeti. Osy rette,ózim bilim alyp otyrǵan Ál- Farabı atyndaǵy Qazaq Ulttyq Ýnıversıtetiniń maqsaty otandyq jáne sheteldik eńbek naryǵynda básekege qabiletti, álemdik bilim berý keńistiginde oryn alatyn, qoldanbaly jáne irgeli zertteýlerdi damytyp, olardy óndiriste qoldanýǵa óz úlesterin qosatyn joǵary maman ıelerin daıyndaý ekenin bóliskim keledi.
Qarashańyraq jyl saıyn QS, THE, ARES sııaqty eń bedeldi halyqaralyq reıtıngterde alǵa shyǵyp, zor ǵylymı áleýeti men joǵary básekege qabilettiligin aıqyn dáleldep keledi. Atap aıtar bolsaq, Shyǵys Eýropa jáne Ortalyq Azııa elderi boıynsha QS World University Rankings (QS World University Rankings EECA 2020) reıtınginde QazUÝ 16-orynǵa ıe.
Ál-Farabı atyndaǵy QazUÝ túlekterdi jumysqa ornalastyrý reıtınginde (QS Graduate Employability Rankings) 550 JOO-nyń ishinen 201-251-oryndy alǵan Ortalyq Azııadaǵy alǵashqy JOO boldy.
Brıtandyq "Times Higher Education" agenttiginiń zertteý nátıjeleri boıynsha QazUÝ 1001-1200 pozıııasyn saqtap qaldy, Asia University Rankings reıtınginde 401-500 - oryn, THE Emerging Economies rankings-351-400-oryn, the Impact Rankings reıtınginde-801-1000 oryndy ıelendi.
Quacquarelli Symonds (QS) bedeldi halyqaralyq reıtıngtik agenttigi júrgizgen táýelsiz baǵalaý qorytyndysy boıynsha ál-Farabı atyndaǵy Qazaq ulttyq ýnıversıteti joǵary baǵa alyp, «QS Stars Rating System» halyqaralyq reıtıngisinde «Bes juldyz» joǵary marapatyna ıe boldy. QazUÝ – «Bes juldyz» marapatyna ıe bolǵan Ortalyq Azııa aımaǵyndaǵy alǵashqy jáne jalǵyz joǵary oqý orny.
Eń ekologııalyq ýnıversıtetterdiń "UI Green Metric Ranking of World Universities" jahandyq reıtınginde ýnıversıtet 212-shi orynǵa ıe.
Ýnıversıtet álemniń 500-ge jýyq jetekshi joǵary oqý oryndarymen áriptestik ornatyp, bilim berý isine sheteldik úzdik ǵalymdardy tartyp otyr. Sonymen qatar akademııalyq utqyrlyq, qos dıplom, Erasmus+, Fulbright, DAAD, Mevlana, Bolashaq halyqaralyq baǵdarlamalary jas ǵalymdardyń ozyq elderdiń tájirıbesin ıgerýine keńinen jol ashýda.
QR joǵary oqý oryndarynyń suranysqa ıe ulttyq reıtıngine engen 135 oqytýshynyń jartysynan astamyn QazUÝ qyzmetkerleri quraıdy. Ýnıversıtettiń oqytýshylary men ǵylymı qyzmetkerleri óz salasynyń kóptegen jetistikterge ıe mamandar. Nátıjesinde QazUÝ ýnıversıtetiniń stýdentteri óz mansabynda jetistikke jetýge kómektesetin sapaly bilim men ǵylymı bilim alýǵa múmkindik alady. Oqý barysynda oqytýshylar bilim alýshylarǵa teorııalyq bilimmen ǵana shektemeı,ony praktıka júzinde iske asyrýǵa yqpal etedi.
Ózim fılosofııa jáne saıasattaný fakýlteti, Pedagogıka jáne bilim berý menedjmenti kafedrasynyń «Áleýmettik pedagogıka jáne ózin-ózi taný» mamandyǵynyń 1 kýrs magıstrantymyn. Sońǵy jyldary Qazaqstanda áleýmettik pedagogıkany damytýǵa jáne qoldaýǵa kóbirek kóńil bólinýde. Memlekettik baǵdarlamalar men bastamalar sheńberinde áleýmettik pedagogtar úshin olardyń kásibı daǵdylary men quzyretterin arttyrýǵa baǵyttalǵan trenıngter, semınarlar jáne kásiptik kýrstar ótkizilýde. Sondaı-aq áleýmettik osal jaǵdaıdaǵy oqýshylardyń quqyqtaryn qorǵalýyn qamtamasyz etý úshin áleýmettik bilim berý salasyndaǵy zańnamany jetildirý boıynsha jumystar júrgizilýde. Memleket ınklıýzıvti bilim berý jaǵdaılaryn jasaýǵa jáne barlyq balalar úshin teń múmkindikterdi qamtamasyz etýge baǵyttalǵan saıasatty ázirleýge jáne engizýge úlken mán berýde. Sáıkesinshe, qazirgi tańda qoǵamdaǵy eń ózekti de qajetti mamandyqtyń biri.
Áleýmettik pedagogıka jáne ózin-ózi taný mamandyǵynyń kásibı is-áreketiniń mazmuny:
- Oqý oryndarynda jáne turǵylyqty jerinde tulǵanyń áleýmettik quqyqtaryn qorǵaý;
- Mamandandyrylǵan bilim berý uıymdarynda jáne arnaıy bilim berý mekemelerinde, pedagogıkalyq - túzetý, ońaltý jáne tárbıelik is-áreketterin uıymdastyrý;
- Ár túrli áleýmettik toptar, óskeleń urpaq áleýmettendirý jáne tulǵalyq damýyna áleýmettik- pedagogıkalyq kómek kórsetý;
- Tulǵalyq qasıetterdi qalyptastyrýda otbasyna áleýmettik- pedagogıkalyq qoldaý kórsetý;
- Áleýmettendirý jáne jeke damý proesin sapaly uıymdastyrý jáne basqarý;
- Belsendi bilim berýdiń jeke mańyzdylyǵyn, tanymdyq qyzmet ádisterin damytý men zerdeleýge basa nazar aýdarý;
- Ózin-ózi júzege asyrý múmkindigin qamtamasyz etý, jeke stýdenttiń búkil bilim berý proesin baǵdarlaý;
- Ózdiginen bilim alýǵa jáne stýdentterdiń kásibı baǵdarlaýyna qolaıly jaǵdaılar jasaýǵa ár túrli pedagogıkalyq tehnologııalardy paıdalaný.
- Ózin-ózi tanýda eń ozyq bilim men pedagogıkalyq elementterdi qosa alǵanda, zertteý salasyndaǵy bilimi men túsinigin kórsetý;
- Áleýmettik, etıkalyq jáne ǵylymı paıymdaýlardy eskere otyryp, paıymdaýlar jasaýǵa qajet aqparattardy jınaý jáne ınterpretaııalaý.
Biz úmit artar bolashaq tek fızıkalyq turǵydan deni saý urpaq ǵana emes, psıhologııalyq, rýhanı kemeldengen, tárbıesi ultynyń tarıhynan bastaý alǵan patrıot, mentaldy saý bolý tıis. Osy negizde qoǵamǵa qajetti, joǵarǵy bilimdi, bilikti áleýmettik pedagog mamandaryn daıalaýda pedagogıka jáne bilim berý menedjmenti kafedrasynyń ustazdary aıanbaı eńbek etýde. Men KazUÝ ustazdarynyń shákirti bolǵanyma maqtanamyn.
Memleketimizdiń bolashaǵy urpaqqa degen sabaqtastyqtan týyndaıtyn bolǵandyqtan, el bilimdi jastarǵa táýeldi. Bilimdi urpaq-irgeli eldiń kepili ekeni daýsyz, endeshe álemniń damyǵan memleketterimen ıyq teńestirer deńgeıde, básekege qabiletti bolaıyq degim keledi.
Ál-Farabı atyndaǵy Qazaq ulttyq ýnıversıtetiniń
ped.ǵ.k., doent Tekesbaeva Anar Moldaqynovna
«Áleýmettik pedagogıka jáne ózin-ózi taný» mamandyǵynyń
1 kýrs magıstranty Edılbaeva Araı Ýmırbaevna
