Elımız örken jaiyp, keŋge sermeuı üşın basty mäsele jas ūrpaqtyŋ bılımdı de tärbielı bolyp jetılu ekenı belgılı. Bılım beru jüiesınde jaŋa tehnologiiany qoldanu arqyly keleşek ūrpaqtyŋ erkın damuyna, jan-jaqty bılım aluyna, belsendı, şyǧarmaşyl boluyna jaǧdai jasau är bılım ordasynyŋ mındetı. Osy rette,özım bılım alyp otyrǧan Äl- Farabi atyndaǧy Qazaq Ūlttyq Universitetınıŋ maqsaty otandyq jäne şeteldık eŋbek naryǧynda bäsekege qabılettı, älemdık bılım beru keŋıstıgınde oryn alatyn, qoldanbaly jäne ırgelı zertteulerdı damytyp, olardy öndırıste qoldanuǧa öz ülesterın qosatyn joǧary maman ielerın daiyndau ekenın bölıskım keledı.
Qaraşaŋyraq jyl saiyn QS, THE, ARES siiaqty eŋ bedeldı halyqaralyq reitingterde alǧa şyǧyp, zor ǧylymi äleuetı men joǧary bäsekege qabılettılıgın aiqyn däleldep keledı. Atap aitar bolsaq, Şyǧys Europa jäne Ortalyq Aziia elderı boiynşa QS World University Rankings (QS World University Rankings EECA 2020) reitingınde QazŪU 16-orynǧa ie.
Äl-Farabi atyndaǧy QazŪU tülekterdı jūmysqa ornalastyru reitingınde (QS Graduate Employability Rankings) 550 JOO-nyŋ ışınen 201-251-oryndy alǧan Ortalyq Aziiadaǧy alǧaşqy JOO boldy.
Britandyq "Times Higher Education" agenttıgınıŋ zertteu nätijelerı boiynşa QazŪU 1001-1200 pozisiiasyn saqtap qaldy, Asia University Rankings reitingınde 401-500 - oryn, THE Emerging Economies rankings-351-400-oryn, the Impact Rankings reitingınde-801-1000 oryndy ielendı.
Quacquarelli Symonds (QS) bedeldı halyqaralyq reitingtık agenttıgı jürgızgen täuelsız baǧalau qorytyndysy boiynşa äl-Farabi atyndaǧy Qazaq ūlttyq universitetı joǧary baǧa alyp, «QS Stars Rating System» halyqaralyq reitingısınde «Bes jūldyz» joǧary marapatyna ie boldy. QazŪU – «Bes jūldyz» marapatyna ie bolǧan Ortalyq Aziia aimaǧyndaǧy alǧaşqy jäne jalǧyz joǧary oqu orny.
Eŋ ekologiialyq universitetterdıŋ "UI Green Metric Ranking of World Universities" jahandyq reitingınde universitet 212-şı orynǧa ie.
Universitet älemnıŋ 500-ge juyq jetekşı joǧary oqu oryndarymen ärıptestık ornatyp, bılım beru ısıne şeteldık üzdık ǧalymdardy tartyp otyr. Sonymen qatar akademiialyq ūtqyrlyq, qos diplom, Erasmus+, Fulbright, DAAD, Mevlana, Bolaşaq halyqaralyq baǧdarlamalary jas ǧalymdardyŋ ozyq elderdıŋ täjıribesın igeruıne keŋınen jol aşuda.
QR joǧary oqu oryndarynyŋ sūranysqa ie ūlttyq reitingıne engen 135 oqytuşynyŋ jartysynan astamyn QazŪU qyzmetkerlerı qūraidy. Universitettıŋ oqytuşylary men ǧylymi qyzmetkerlerı öz salasynyŋ köptegen jetıstıkterge ie mamandar. Nätijesınde QazŪU universitetınıŋ studentterı öz mansabynda jetıstıkke jetuge kömektesetın sapaly bılım men ǧylymi bılım aluǧa mümkındık alady. Oqu barysynda oqytuşylar bılım aluşylarǧa teoriialyq bılımmen ǧana şektemei,ony praktika jüzınde ıske asyruǧa yqpal etedı.
Özım filosofiia jäne saiasattanu fakultetı, Pedagogika jäne bılım beru menedjmentı kafedrasynyŋ «Äleumettık pedagogika jäne özın-özı tanu» mamandyǧynyŋ 1 kurs magistrantymyn. Soŋǧy jyldary Qazaqstanda äleumettık pedagogikany damytuǧa jäne qoldauǧa köbırek köŋıl bölınude. Memlekettık baǧdarlamalar men bastamalar şeŋberınde äleumettık pedagogtar üşın olardyŋ käsıbi daǧdylary men qūzyretterın arttyruǧa baǧyttalǧan treningter, seminarlar jäne käsıptık kurstar ötkızılude. Sondai-aq äleumettık osal jaǧdaidaǧy oquşylardyŋ qūqyqtaryn qorǧaluyn qamtamasyz etu üşın äleumettık bılım beru salasyndaǧy zaŋnamany jetıldıru boiynşa jūmystar jürgızılude. Memleket inkliuzivtı bılım beru jaǧdailaryn jasauǧa jäne barlyq balalar üşın teŋ mümkındıkterdı qamtamasyz etuge baǧyttalǧan saiasatty äzırleuge jäne engızuge ülken män berude. Säikesınşe, qazırgı taŋda qoǧamdaǧy eŋ özektı de qajettı mamandyqtyŋ bırı.
Äleumettık pedagogika jäne özın-özı tanu mamandyǧynyŋ käsıbi ıs-äreketınıŋ mazmūny:
- Oqu oryndarynda jäne tūrǧylyqty jerinde tūlǧanyŋ äleumettık qūqyqtaryn qorǧau;
- Mamandandyrylǧan bılım beru ūiymdarynda jäne arnaiy bılım beru mekemelerınde, pedagogikalyq - tüzetu, oŋaltu jäne tärbielık ıs-äreketterın ūiymdastyru;
- Är türlı äleumettık toptar, öskeleŋ ūrpaq äleumettendıru jäne tūlǧalyq damuyna äleumettık- pedagogikalyq kömek körsetu;
- Tūlǧalyq qasietterdı qalyptastyruda otbasyna äleumettık- pedagogikalyq qoldau körsetu;
- Äleumettendıru jäne jeke damu prosesın sapaly ūiymdastyru jäne basqaru;
- Belsendı bılım berudıŋ jeke maŋyzdylyǧyn, tanymdyq qyzmet ädısterın damytu men zerdeleuge basa nazar audaru;
- Özın-özı jüzege asyru mümkındıgın qamtamasyz etu, jeke studenttıŋ bükıl bılım beru prosesın baǧdarlau;
- Özdıgınen bılım aluǧa jäne studentterdıŋ käsıbi baǧdarlauyna qolaily jaǧdailar jasauǧa är türlı pedagogikalyq tehnologiialardy paidalanu.
- Özın-özı tanuda eŋ ozyq bılım men pedagogikalyq elementterdı qosa alǧanda, zertteu salasyndaǧy bılımı men tüsınıgın körsetu;
- Äleumettık, etikalyq jäne ǧylymi paiymdaulardy eskere otyryp, paiymdaular jasauǧa qajet aqparattardy jinau jäne interpretasiialau.
Bız ümıt artar bolaşaq tek fizikalyq tūrǧydan denı sau ūrpaq ǧana emes, psihologiialyq, ruhani kemeldengen, tärbiesı ūltynyŋ tarihynan bastau alǧan patriot, mentaldy sau bolu tiıs. Osy negızde qoǧamǧa qajettı, joǧarǧy bılımdı, bılıktı äleumettık pedagog mamandaryn daialauda pedagogika jäne bılım beru menedjmentı kafedrasynyŋ ūstazdary aianbai eŋbek etude. Men KazŪU ūstazdarynyŋ şäkırtı bolǧanyma maqtanamyn.
Memleketımızdıŋ bolaşaǧy ūrpaqqa degen sabaqtastyqtan tuyndaityn bolǧandyqtan, el bılımdı jastarǧa täueldı. Bılımdı ūrpaq-ırgelı eldıŋ kepılı ekenı dausyz, endeşe älemnıŋ damyǧan memleketterımen iyq teŋestırer deŋgeide, bäsekege qabılettı bolaiyq degım keledı.
Äl-Farabi atyndaǧy Qazaq ūlttyq universitetınıŋ
ped.ǧ.k., dosent Tekesbaeva Anar Moldaqynovna
«Äleumettık pedagogika jäne özın-özı tanu» mamandyǧynyŋ
1 kurs magistranty Edilbaeva Arai Umirbaevna
