Joǧary oqu oryndarynda bılım alatyn student qyzdardyŋ jeke derekterı tarap kettı, dep habardaidy "Adyrna" tılşısı.
Būl jaǧdaiǧa qatysty Ǧylym jäne joǧary bılım ministrı Saiasat Nūrbek pıkır bıldırdı.
WhatsApp qosymşasynda 190 adamnan tūratyn tūtas topqa studentter tızımı bar 4 qūjat jıberılgen. Ol qūjatta studentterdıŋ jeke derekterı, JSN, ūialy telefon nömırlerı, aty-jönderı men jeke medisinalyq mälımetter de taraǧan.
Qūjatta arnaiy qyzyl tüspen belgılengen studentter mındettı fliuorografiialyq baqylaudan ötuı kerek bolǧan.
Topqa kelgen tızımderde studentter turaly tym jeke aqparattar da bolǧan. Onda qyzdardyŋ "qyz", qaisysy "qyz emes" ekenı turaly aqparat ta bolǧany aityluda.
"Būl jerde tıkelei zaŋ būzuşylyq bolǧandyqtan mäsele baqylauǧa alyndy. Kınälıler qoldanystaǧy zaŋnama aiasynda jazalanady. Jeke derekterdı qorǧau turaly zaŋ bar. Būl äkımşılık qūqyq būzuşylyq turaly mäsele bolyp otyr", - dedı ministr Saiasat Nūrbek.Ministr būl derektı tarauyna sebep jauaptylardyŋ salǧyrttyǧy ekenın aitty.
"Moiyndau kerek, būl mäselenı zaŋmen qataŋyraq retteu kerek. Jalpy, būl mädeni mäsele. Universitette mūndai faktılerdıŋ bar ekenı qynjyltady. Jeke derekter öte qūpiia aqparat bolyp tabylatyny turaly qataŋ zaŋnamalyq talap bolmaiynşa, mädeniet özgermeidı", - dep tüsındırdı ol.
Ūqsas jaŋalyqtar
