Täjıkstan bilıgı täjık esımderınıŋ jaŋartylǧan tızılımın bekıttı, dep habarlaidy “Adyrna” ūlttyq portaly Ferǧana aqparattyq resursyna sıltep.
Tızımnen Amira, Aliia jäne Jasmin sekıldı keŋ taralǧan arab jäne batys ülgısındegı esımder alynyp tastaldy. Al olardyŋ ornyna Arǧavon, Gülduht, Iosuman siiaqty täjık jäne parsy mädenietıne tän esımder engızıldı.
BAQ-tyŋ habarlauynşa, jaŋartylǧan tızımge ejelgı aŋyzdardaǧy keiıpkerdıŋ aty sanalatyn Vis, sondai-aq Gavharon, Geti jäne parsy-täjık ädebi mūrasymen bailanysty basqa da esımder engen.
Būl özgerıs Täjıkstannyŋ ūlttyq qūndylyqtardy jaŋǧyrtuǧa baǧyttalǧan ūzaqmerzımdı saiasatynyŋ jalǧasy sanalady. Ūlttyq esımder tızımı alǧaş ret 2016–2017 jyldary mädeniet ministrlıgı men Ükımet janyndaǧy tıl jäne terminologiia komitetınıŋ bastamasymen jaryq körgen. Ol kezde qūjatqa 3000-nan astam esım engızılgen bolatyn.
Täjıkstanda azamattyq hal aktılerın tırkeu organdary ata-analar taŋdaǧan esım reestrde bolmasa, ony tırkeuden bas tarta alady. Bilık mūndai şekteuler ūlttyq dästürler men tarihi-mädeni qūndylyqtardy saqtau maqsatynda engızılgenın mälımdedı.
Sonymen qatar, elde azamattarǧa familiialar men äke attaryndaǧy orys tılınen engen «-ov», «-ova», «-vich», «-ovna» jalǧaularyn ūlttyq «-zod», «-zoda», «-pur», «-iion», «-far» nūsqalarymen almastyru ūsynylyp otyr.
Ortalyq Aziia elderınıŋ arasynda Täjıkstan basşysy alǧaşqy bolyp tegındegı orysşa jalǧaudan bas tartqany belgılı. 2007 jyly Täjıkstan prezidentı Emomali Rahmon öz tegındegı «-ov» jalǧ auyn alyp tastap, ūlttyq nūsqaǧa köştı. Ol būl qadamyn täjık mädenietın jaŋǧyrtuǧa baǧyttalǧan bastamanyŋ bır bölıgı retınde tüsındırdı jäne halyqty da ūlttyq dästürge sai esımderdı qoldanuǧa şaqyrdy. Ortalyq Aziiadaǧy barlyq basşylar mūndai şeşım qabyldaǧan joq. Mysaly, Qazaqstannyŋ eks-prezidentı Nūrsūltan Nazarbaev bilıkte bolǧan kezde bergen sūhbattarynyŋ bırınde mūny halyqaralyq qūjattar, kelısımderge «Nazarbaev» nūsqasynda qol qoiyp kelgendıkten, orta jolda tegın özgerte almaitynyn aitqan. Bıraq Nazarbaev 1996 jylǧy 2 aqpanda «Ūlty qazaq azamattardyŋ tegi men äkesiniŋ atyn jazuǧa bailanysty mäselelerdi şeşu tärtibi turaly» arnaiy jarlyqq qol qoiǧan. Osy jarlyqqa säikes, qazaq ūltynyŋ ökılderı tegındegı qazaq tılıne tän emes jalǧaulardy alyp tastauǧa nemese qazaqy nūsqaǧa özgertuge qūqyly.
