Mańǵystaý oblysynyń polıııasy jeńil avtokólikterdi jalǵa alýǵa 313 mıllıon teńge jumsaýǵa daıyn, dep "Adyrna" tilshisi QazTag agenttigine silteme jasap habarlaıdy.
Munaıly ólkeniń tártip saqshylary jeńil avtokólikke mıllıondaǵan qarajat bólmek. Memlekettik satyp alý portalynda:
"Tapsyrys berýshi – "Qazaqstan Respýblıkasy Ishki ister mınıstrligi Mańǵystaý oblysynyń polıııa departamenti" MM; ataýy – jeńil avtomobılderdi jalǵa alý boıynsha qyzmetter; qosymsha sıpattamasy – júrgizýshisiz jeńil avtokólikti jalǵa berý boıynsha qyzmetter. Josparly somasy - 312 857 142,86 teńge", - dep kórsetilgen.
Ótinimderdi aldyn ala qabyldaý merzimi 14-29 jeltoqsan aralyǵy. Bul rette tehnıkalyq qujatqa sáıkes satyp alýda kórsetilgen josparly soma 2023 jyldyń 1 qańtary men 31 jeltoqsany aralyǵyndaǵy kezeńge bólingen.
Iaǵnı, belgilengen somany ıgerýge eki kún ǵana qalýy múmkin – 30 jáne 31 jeltoqsan. Tehnıkalyq sıpattama: "Eger shart 2023 jylǵy 1 qańtardan keıin kesh jasalǵan jaǵdaıda Tapsyrys berýshi sharttyń jalpy somasyn azaıtýǵa mindetti" degen bólim jazylǵan.
Qujatta "Mańǵystaý oblysy polıııa departamentiniń qajettilikteri úshin júrgizýshisiz avtokólik quraldaryn jalǵa alý boıynsha" 73 kólikti jalǵa alý quny 312 857 142,86 teńge dep kórsetilgen.
Eske sala keteıik, Mańǵystaý oblysynyń polıııa departamenti 2022 jylǵa avtokólikterdi jalǵa alý boıynsha eki lottan turatyn jalpy somasy 555 mln teńgege baıqaý jarııalaǵan bolatyn.
