Maŋǧystau oblysynyŋ Beineu audanynda «Otpan» jobasy aiasynda üş tırek mektep tanystyryldy.
Beineu auylynyŋ tūrǧyndary üşın jyl jaǧymdy jaŋalyqpen aiaqtaluda, 5 myŋnan astam oquşy bılım alatyn üş mektep öŋırlık bılım sapasyn arttyru baǧdarlamasynyŋ qatysady.
«Otpan» jobasy QR Ükımetınıŋ bastamasymen Bılım beru salasyn tūraqty damytu qorynyŋ auyldyq tırek mektepterın qūrudaǧy tabysty täjıribesı negızınde bastaldy. Bastama 50 mekteptı qamtyp, 60 myŋ oquşy men 7 myŋ pedagogtıŋ damuyna jaǧdai jasaudy közdeidı jäne jeke investisiialar esebınen jüzege asyrylady.
«Memleket bılım sapasyn arttyruǧa erekşe köŋıl bölude. Qala men auyl mektepterı arasyndaǧy alşaqtyqty azaitu maqsatynda ötken jyly «Auyl mektebı – sapa alaŋy» respublikalyq jobasy äzırlengen bolatyn, onyŋ aiasynda jeke investorlardyŋ qatysuymen bırqatar öŋırlık kışı jobalar jüzege asyryluda. Būl jäi ǧana joba emes, bılım beru ūiymdarynyŋ materialdyq-tehnikalyq bazasyn jaŋartu men zamanaui bılım beru qūraldarymen jabdyqtauǧa, pedagogikalyq kadrlardyŋ sapasyn arttyruǧa baǧyttalǧan bastamalar keşenı. Jobanyŋ alǧaşqy nätijelerı qazırdıŋ özınde auyl mektepterınde bılım sapasynyŋ ortaşa alǧanda 7-9%-ǧa öskenın körsetude», - dep atap öttı oqu-aǧartu ministrı Ǧani Beisembaev.
Jobanyŋ tiımdılıgın arttyru maqsatynda mektepterdı ädıstemelık süiemeldeu üşın serıktes retınde «Nazarbaev Ziiatkerlık mektepterı» derbes bılım beru ūiymy men «Bılım-innovasiia» halyqaralyq qory tartyldy.
Mektepterdı jaŋǧyrtudy aiaqtaǧan jobanyŋ alǧaşqy demeuşılerınıŋ bırı – Halyk qaiyrymdylyq qory. Qor mūǧalımderdı oqytu men Beineu auylyndaǧy üş mekteptıŋ materialdyq-tehnikalyq bazasyn jaŋartuǧa qoldau körsettı.
Jürgızılgen jūmystardyŋ nätijesınde bılım beru mekemelerı sapa men qauıpsızdıktıŋ joǧary talaptaryna sai zamanaui jabdyqtarmen qamtyldy, būl oqytu jaǧdailaryn jaqsartyp, oquşylardyŋ daǧdylaryn damytuǧa yqpal ettı. 50-den astam bılım beru keŋıstıgı jaŋartyldy, onyŋ ışınde bastauyş synyp kabinetterı, himiia, fizika, biologiia, informatika jäne robototehnika kabinetterı de bar. Synyptar şyǧarmaşylyq stilde bezendırılıp, jaily jäne şabyttandyratyn bılım beru ortasyn qūruǧa septıgın tigızedı, būl oquşylardyŋ şyǧarmaşylyq oilauyn damytyp, oquǧa degen qyzyǧuşylyǧyn arttyrady. Balalardyŋ üzılıs kezındegı jäne bos uaqyttaryn tiımdı paidalanu maqsatynda art- jäne telestudiialar aşylyp, oquşylar üşın demalys alaŋdary qūrylǧan,
290-nan astam mūǧalım zamanaui oqytu ädıstemelerı boiynşa bılım alyp jatyr, al psihologtar men mektep äkımşılıgı käsıbi bılıktılıkterın arttyru boiynşa jūmys jürgızude.
«Qor qyzmetınıŋ negızgı baǧyttarynyŋ bırı – eldegı bılım berudı damytu. Bız äleumettık osal toptardan şyqqan daryndy balalarǧa grant ūsynamyz, mektepter men oqu ortalyqtaryn jabdyqtaimyz, mūǧalımderdı qoldaimyz, joǧary synyp oquşylaryna käsıpkerlık negızderın üiretemız. 2016 jyldan bastap qor bılım beru salasyn damytuǧa 10 mlrd teŋge böldı, onyŋ ışınde Beineu auylyndaǧy mektepterdı jabdyqtauǧa – 504 mln teŋge jūmsaldy. Bızdıŋ maqsatymyz – elımızdıŋ är balasyna zamanaui tehnologiialarǧa teŋ qoljetımdılıktı qamtamasyz etu jäne olardyŋ bolaşaqta bäsekege qabılettı boluyna jaǧdai jasau», — dep atap öttı Halyk qorynyŋ basqaruşy direktory Nariman Äbılşaikov.
«Otpan» jobasyna qatysuşy mektepter körşıles bılım beru mekemelerıne de ädıstemelık qoldau körsetedı, osylaişa Bılım beru salasyn tūraqty damytu qorynyŋ tırek mektepter qataryn tolyqtyrady dep josparlanuda.
«2019 jyly bız Aitas holdingınıŋ qoldauymen tırek mektepter jelısın qūru jobasyn bastadyq jäne ony elımızdıŋ är öŋırınde damytudy jalǧastyryp kelemız. «Tırek mektebı» modelı bes jyldan berı auyldaǧy bılım berudı jaŋa deŋgeige köteruge kömektesıp keledı. Būl bastama «Otpan» siiaqty jekelegen öŋırlık jobalardy düniege äkeldı. Būl qalalarda nemese şalǧai auyldarda bolsyn, barlyq oquşylarǧa teŋ bılım alu jäne damu mümkındıkterın qamtamasyz etuge baǧyttalǧan qordyŋ maqsatyn aişyqtaityn joba», - deidı Bılım beru salasyn tūraqty damytu qorynyŋ direktory Daniiar Toqtarbaev.
Ekı jylǧa josparlanǧan «Otpan» jobasy oquşylardyŋ oqu jetıstıkterın baqylau arqyly jüzege asyrylyp keledı. Būl onyŋ tiımdılıgın jäne nätijelerın baǧalauǧa mümkındık beredı. Ol aiaqtalǧannan keiın de mektepterge jobadan keiıngı süiemeldeu körsetıledı.
Esterıŋızge salsaq, qaraşa aiynda «Otpan» jobasynyŋ alǧaşqy nätijelerı Qazaqstan Respublikasy Premer-Ministrınıŋ orynbasary Tamara Düisenovaǧa tanystyryldy. Qazır joba QR Oqu-aǧartu ministrlıgınıŋ qoldauymen kelesı demeuşılerdıŋ qatysuymen jüzege asyryluda: Aitas holdingı, Ordabasy Group kompaniiasy, Halyk qaiyrymdylyq qory, NCOC kompaniiasy, «QazMūnaiGaz» ŪK AQ.
Bılım beru salasyn tūraqty damytu qory
Bılım beru salasyn tūraqty damytu qory – Aitas holdingınıŋ negızın qalaǧan käsıpker Serık Tolyqpaevtyŋ bastamasymen qūrylǧan kommersiialyq emes ūiym. 2019 jyly qūrylǧan uaqytynan bastap Qor bılım sapasyndaǧy teŋsızdıktı joiuǧa baǧyttalǧan özgerısterdıŋ qozǧauşy küşıne ainaldy. Bügınde Qordyŋ jobalary el aumaǧynda 325 tırek jäne şaǧyn jinaqtalǧan mekteptı qamtidy. Olarda 160 myŋnan astam oquşy bılım alady jäne 11 myŋǧa juyq mūǧalım jūmys ısteidı. Būl baǧdarlamalar aiasynda 5500-den astam oqu kabinetı jabdyqtalyp, 40 mlrd. teŋgeden astam demeuşılık qarajat tartyldy.
Maŋǧystau oblysynda Qor ekı jobanyŋ operatory bolyp tabylady: «Auyldyq jerlerde tırek mektepterdıŋ äleuetın damytu» jobasy, ol Qazaqstan Halkyna qory, Aitas holdingı jäne «Nazarbaev Ziiatkerlık mektepterı» DBŪ-men bırlesıp jüzege asyrylady. Sondai-aq «Otpan» jobasy, ol demeuşılerdıŋ qoldauymen, «Nazarbaev Ziiatkerlık mektepterı» DBBŪ jäne «Bılım-innovasiia» halyqaralyq qorymen bırlesıp ıske asyryluda. Ekı joba qatysuşylary da ädıstemelık qoldau men materialdyq-tehnikalyq bazany jaŋartu türındegı kömek alady.
Halyk qory turaly
Halyk qaiyrymdylyq qory, 2016 jyly Timur jäne Dinara Qūlybaevtardyŋ bastamasymen qūrylǧan, jalpy somasy 85 milliard teŋgeden asatyn 120-dan astam äleumettık jobany jüzege asyrdy. «Otpan» jobasy – qordyŋ Maŋǧystau oblysyn damytuǧa baǧyttalǧan maŋyzdy bastamalarynyŋ bırı. 2023 jyldan bastap qor Maŋǧystau oblysyna 4 milliard teŋge böldı: 1,8 milliard teŋge – Beineu astyq terminalynyŋ jūmysyn qaita jandandyruǧa, 565 million teŋge – Aqşūqyr jäne Saiyn Şapaǧatov auyldarynyŋ 25 000 tūrǧyny üşın tūşylandyru jüiesın ornatuǧa, 530 million teŋge – balalarǧa arnalǧan 50-den astam nysannyŋ qūrylysyna, 1 milliard teŋge – Jaŋaözende 4 gektar aumaqty qamtityn dene şynyqtyru-sauyqtyru keşenın saluǧa baǧyttaldy. 2023 jyldyŋ qorytyndysy boiynşa qor Maŋǧystau oblysyndaǧy qoǧamdyq bastamalar men qaiyrymdylyq salasyndaǧy qyzmetı üşın «Jyl mesenaty» marapatyn aldy.
Maŋǧystau oblysyndaǧy mektepter turaly
Öŋırde 145 memlekettık jäne 53 jeke menşık mektep, Nazarbaev Ziiatkerlık mektebı jäne 2 Bılım-innovasiia liseiı jūmys ısteidı.
Oblys boiynşa 188 myŋnan astam oquşy bılım alady, 16 myŋnan astam pedagog jūmys jasaidy.
Ūqsas jaŋalyqtar
