Ózbekstannyń avtakólik shyǵaratyn UzAuto Motors kompanııasy eldiń ishki naryǵyna 2024 jyly shyǵarý josparlanǵan Chevrolet Cobalt, Damas jáne Labo avtokólikteriniń kólemine kelisimshartty eki kúnde aıaqtady, dep habarlaıdy “Adyrna” ulttyq portaly.
Kompanııa málimet etkendeı, 25 jáne 26 jeltoqsanda satyp alýshylarmen avtokólikterdi kelesi jyly jetkizýge 171,2 myń kelisimshart jasalǵan. Kelisimder onlaın qosymshalar arqyly jasalǵan.
Kompanııa ókilderi onlaın satý kezinde kıbershabýyldar kesirinen tehnıkalyq aqaý týyndap otyrǵanyn da jasyrmady.
«UzAutoSavdo onlaın saýda júıesinde 7 myń kıbershabýyl baqylandy. Osy kezeńde júıede barlyǵy 3 mln-nan astam belsendi seans tirkelgen. Kompanııanyń koll-ortalyǵy 3 myńnan astam ótinimdi qabyldap, óńdedi», dep habarlady UzAuto Motors kompanııasy.
Aıta keteıik, buǵan deıin Ózbekstan úkimeti «alypsatarlarmen» kúresý jáne barlyq tutynýshylarǵa teń múmkindikter jasaý maqsatynda jańa kólikterdi satý erejelerine ózgerister engizdi.
Jańa erejelerge sáıkes, 12 aı ishinde ekiden astam satyp alý-satý shartyn jasasqan klıentpen mashınany jetkizýge jańa kelisim-shart jasalmaıdy.
