Ózbekstan prezıdenti Shavkat Mırzııoev Konstıtýııa kúnine oraı túrmedegi 334 adamǵa raqymshylyq jasady. Bul týraly memleket basshysynyń baspasóz qyzmeti aıtty, dep habarlaıdy «Adyrna» tilshisi.
«Shavkat Mırzııoev «Jazasyn ótep jatqan, jasaǵan is-áreketine shyn júrekten ókingen jáne kináli dep tanylǵan bir top adamǵa raqymshylyq jasaý týraly» Jarlyqqa qol qoıdy. Onyń negizinde 34 adam negizgi jazasyn óteýden tolyq bosatyldy. Al 249 qylmysker shartty túrde merziminen buryn bosatylsa,
6 tulǵanyń bas bostandyǵynan aıyrý jazasy jeńilirek jazamen aýystyryldy. Sondaı-aq 45 sottalýshynyń bas bostandyǵynan aıyrý týraly jaza merzimi qysqardy»,—delingen habarlamada.
Aıta keteıik, raqymshylyqqa ilingenderdiń ishinde 18 sheteldik, 23 áıel, 60 jastan asqan 15 er adam men tyıym salynǵan uıymdardyń qyzmetine qatysqan 88 adam bar.
