Jambyl oblysynda 12 jastaǵy oqýshy qyzdy zorlaǵany úshin «Aıgólek» balabaqshasynyń kúzetshisi 20 jylǵa sottaldy, dep habarlaıdy "Adyrna" ulttyq portaly.
«Jambyl oblysy IID kámeletke tolmaǵan balany zorlady dep aıyptalǵan sottalýshy M.-ǵa qatysty qylmystyq isti qarady (QK 120-baby, 4-bóligi). (...) Qoǵamdyq qaýiptilik sıpaty men dárejesin eskere otyryp, aıyptalýshy M.-dy jasaǵan qylmysy ómir boıyna pedagogıkalyq qyzmetpen aınalysý quqyǵynan shekteı otyryp, 20 jylǵa bas bostandyǵynan aıyrý jazasy taǵaıyndaldy», - deingen Jambyl oblysy qylmystyq ister jónindegi mamandandyrylǵan sotynyń habarlamasynda.
Prokýror aıyptalýshy M.-ny 20 jylǵa bas bostandyǵynan aıyrýdy surady. Zardap shekken tarap aıyptaýshy taraptyń ustanymyn qoldady. Sottalýshy M., kinásin moıyndamady.
«Sottalýshydan jábirlenýshiniń paıdasyna 3 mıllıon teńge moraldyq shyǵyn óndirildi, oıyn-saýyq shyǵyndary úshin 300 myń teńge materıaldyq shyǵyn óndirildi», - delingen habarlamada.
Aıtýynsha, sottalýshynyń kinási jábirlenýshiniń, jábirlenýshiniń zańdy ókiliniń, kýágerlerdiń aıǵaqtarymen, saraptamalyq qorytyndylarmen jáne zattaı dáleldemelermen obektıvti túrde rastaldy.
Úkim zańdy kúshine engen joq.
Belgili bolǵandaı, 55 jastaǵy kúdikti 12 jastaǵy oqýshy qyzben uzaq ýaqyt boıy ıntımdik qarym-qatynasta bolǵan. Anasynyń aıtýynsha, er adam mektep oqýshysyna telefon berip, onymen qalaǵanyn jasaǵan. Nátıjesinde ol odan júkti bolyp, anasyna bar shyndyqty aıtýdy sheshti. Alaıda túrli baılanystary bar kúdikti jábirlenýshini bopsalaǵan bolyp shyqty.
