Úndistannyń soltústigindegi qutqarýshylar Gımalaıda opyrylǵan týnnel úıindisiniń astynda qalǵan jumysshylardy qutqarý operaııasyn aıaqtady. Olar 17 kún jer astynda boldy, dep habarlaıdy "Adyrna" portaly VVS-ge silteme jasap.
15:30 (Máskeý ýaqytymen 18:30) shamasynda Ýttarakhand shtatynyń úkimeti barlyq 41 adamnyń qutqarylǵanyn habarlady.
Týnneldiń opyrylýy 17 kún buryn 4,5 shaqyrym tereńdikte bolǵan.
Quzyrly oryndar qýanyshqa oraı adamdardyń aman ekenin atap ótti. Jer astynda qalsa da uzyndyǵy shamamen eki shaqyrym jáne bıiktigi 8,5 metrdeı keńistikte boldy.
Qalyń úıindige alǵashqy sańylaý tesilgen boıda, qamalǵan halyq múmkindiginshe azyq-túlikpen, sýmen jáne ottegimen qamtamasyz etildi. Biraq ottegi tapshylyǵy erte me, kesh pe, olardyń jaǵdaıyna teris áser ete bastaıdy degen qaýip boldy.
Qutqarý jumystaryna júzden astam adam qatysty. Qutqarýshylar sońǵy bes metrdi burǵylap, odan keıin 57 metrlik qubyr arqyly jumysshylardy jer betine shyǵarýǵa kiriskeni habarlandy.
Dúısenbide Úndistandaǵy «egeýquıryq shahterleri» dep atalatyn qutqarýshylardyń arnaıy bólimshesi qutqarý operaııasyna tartyldy.
Bul komandalar qoldanatyn ádis negizinen kómir shahtalarynda qoldanylady jáne óte tar keńistikte jumys isteýdi qamtıdy.
