Búgin Qaraǵandy oblysynda 14 júk vagony relsten shyǵyp ketti. Buǵan qatysty "Qazaqstan temir joly" UK AQ baspasóz qyzmeti resmı málimdeme jasady, dep jazady "Adyrna" ulttyq portaly.
Aldyn ala málimet boıynsha, qurbandar men zardap shekkender joq.
"2022 jylǵy 17 Qarashada 06 saǵat 15 mınýtta Qaraǵandy oblysynyń Qaraǵandy – Suryptaý-Aqadyr ýchaskesiniń 767 Qarabas - OP aralyǵynda júk poıyzynda 14 vagonnyń relsten shyǵyp ketýine jol berildi. Qurbandar men zardap shekkender joq. Ýchaskede júk jáne jolaýshylar poıyzdarynyń qozǵalysy ýaqytsha toqtatyldy. Aldyn ala málimetter boıynsha, jeke menshik ıelerine tıesili vagondardyń relsten shyǵýy olardyń aqaýlyǵymen baılanysty. Oryn alǵan jaǵdaıdy tekserý úshin «QTJ» UK» AQ-da arnaıy komıssııa quryldy. Apat saldaryn joıý úshin Qaraǵandy, Jańaarqa, Astana stanııalarynyń úsh qalpyna keltirý poıyzy tartyldy", - delingen resmı habarlamada.
"Adyrna" ulttyq portaly
