Qonaevtan qaǧaju, Nazarbaevtan şetqaqpai körgen edı

Ekı jyl būryn Arystan babtyŋ kesenesıne bardym. Ziiaratşylary bar, turisterı bar, adam qūjynap jür. - Osy maŋda Özbekälı Jänıbekov jatyr dep edı, qai jaǧynan ızdesek bolady?-dedım bırer adamǧa. - Tura jüz, sosyn solǧa jüz attasaŋ aldyŋnan şyǧady,- dedı. Künde kelıp jatqan joqpyz, Qūran oqyp keteiık dep jaqyndasaq, kesene syrtynda ūzyn-sonar kezek tūr. Ädemı kesene Arystan bab keşenınıŋ ansamblımen üilese qalypty. Qabır üstıne qoitas qoiǧan, jasyl mata jabylǧan. Dūǧamyzdy oqyp, asyqpai qarap, syrtqa ūzap şyqqan soŋ küldım. Basymdy şaiqap-şaiqap qoiamyn. - Ne boldy, nege küldıŋ?- deidı qasymdaǧy kısı. – Oipyrmai, Qūdaidyŋ qūdyretı-ai, būl kısı Qonaevtan qaǧaju, Nazarbaevtan şetqaqpai körgen edı. Al endı myna jatysyn qara. Arystan babqa kelgen myŋ san adam Özbekälınıŋ basyna da baryp, üzdıksız dūǧa jasap ketıp jatyr. Mūnan artyq qandai panteon kerek? Däl mūndai qūrmet basqa eşkımde joq,-dedım. 2018 jyly, älı Nazarbaev küşınde tūrǧanda “Täuelsızdıkten soŋ bilıkten şettetılgen Özbekälı Jänıbekov” deitın maqala jazam dep būl kısını bıraz zerttegenım bar edı. Sonda ūqqanym, būl adam qazaq mädenietıne şyn mänınde zor üles qosqan, zor intellektual tūlǧa eken. Bıraq bır ülken qatelık jıbergen eken dedım ıştei). Nazarbaevty Qaraǧandyda jürgen jerınen baiqap, öjet jıgıt ysyla bersın dep Mäskeuge komsomol jiyndaryna tartyp, köp aldynda söiletıp jetelegen ǧoi. 1991 jyly tamyzda kompartiia taraǧan künı Nazarbaev Özbekälı Jänıbekovtı tura alpys jasynda, kemelıne kelıp tūrǧanda zeinetke şyǧaryp jıbergen. Nazarbaev mūndai tūlǧalardy maŋynda ūstamaityn ädetı emes pe? Keşe Sanjar Kerimbay bastaǧan “Otbasy hrestomatiiasy” baspasy Ortalyq muzeide Özbekälı Jänıbekov turaly kıtabynyŋ tūsaukeserın ötkızdı. Sonda Özbekälınıŋ özınen aumaityn bır kısımen söilesıp, kökeiımde jürgen sūraqty qoidym. Balasy eken. - Ol kısı zeinetke densaulyǧyna bailanysty şyǧyp pa edı?-dedım. - Joǧa, densaulyǧy tastai bolatyn. Jūmyssyz qalǧany janyna batty. “Özbekälı Jänıbekovtıŋ ıstegen ısın jai tızıp şyǧu üşın ǧana bır kıtap kerek” deitın Şerhan Mūrtazanyŋ sözı bar.  Osy joly “Otbasy hrestomatiiasy” sonyŋ ornyn toltyrypty. Ökımetten bır tiyn almai qazaq baspa ısın damytyp jürgen jıgıtterge Alla razy bolsyn!