Osydan 60 jyl buryn qastandyqtan qaza tapqan AQSh prezıdenti Djon Kennedı 25 qarasha kúni jerlendi. Ol 1963 jyly 22 qarashada Dallasta atylǵan oqtan jan tapsyrǵan bolatyn.
Amerıkany jáne búkil álemdi dúr silkindirgen kisi ólimi qysqa ýaqyt aralyǵynda túrli mıfter men qastandyq teorııalaryn týdyrdy.
Djon Kennedı, onyń áıeli Jaklın, sondaı-aq Tehas shtatynyń gýbernatory Djon Konnelı kabrıoletke minip, prezıdentti qarsy alýǵa jınalǵan azamattarǵa kúlimsirep, qoldaryn bulǵaıdy.
Sol sát, kútpegen jerden prezıdenttiń denesi alǵa qaraı ıilip, tamaǵynan qan aqqanyn baıqaıdy. Birneshe sekýndtan keıin prezıdenttiń basyna oq atylady.
Bul Kennedıdiń mıyna tıgen ekinshi oq boldy. Qasynda otyrǵan gýbernator arqasynan jaralanǵan. Jaklın aldymen kúıeýine, sosyn baıaý qozǵalyp kele jatqan kabrıolettiń artynda turǵan prezıdent kúzetiniń janyna júgirdi. Prezıdent korteji sol zamat jyldamdyǵyn arttyryp, alańnan shyǵyp ketedi.
Jergilikti ýaqyt boıynsha saǵat 13:00-de prezıdent Kennedıdiń qaıtys bolǵany resmı túrde jarııalandy.
AQSh prezıdentine oq atylǵannan keıin shamamen bir saǵat ótken soń, Kennedıdi óltirgen Lı Harvı Osvald ustalady. Ol kópshiliktiń aldynda polıııa ofıeri Tıppıtti de atyp óltirgen bolatyn.
24 qarashada Osvaldty basqa túrmege aýystyrý kezinde túngi klýb ıesi Djek Rýbı atyp óltirdi. Bul jazba ondaǵan teledıdar kameralaryna túsedi.
Bir kúnnen keıin, 25 qarashada Kennedı Vashıngtondaǵy Arlıngton ulttyq zıratynda jerlenip, onyń jerleý rásimin búkil álem baqylaıdy.
Qaıtys bolǵan ákesine qurmet kórsetken kishkentaı uly men jesir áıeli álemdegi eń qýatty saıası beıneler jınaǵynda máńgi este qalady.
Kennedı ólimi – qandaı talappen jasalǵany áli anyq aıtylmaǵan, AQSh tarıhyndaǵy eń kóp astyrtyn áreket teorııalaryn týdyrǵan oqıǵa bolyp qaldy.
«Adyrna» ulttyq portaly
