Bügın QR Parlamentı Mäjılısı jalpy otyrysynda bırqatar maŋyzdy mäselelermen qatar «Qazaqstan Respublikasynyŋ Ükımetı men Fransuz Respublikasynyŋ Ükımetı arasyndaǧy jahandyq jylynuǧa qarsy küres salasyndaǧy yntymaqtastyqty ıske asyru turaly arnaiy kelısımdı ratifikasiialau turaly» Qazaqstan Respublikasy Zaŋynyŋ jobasy qaraldy. Būl turaly Qazaqstan Respublikasynyŋ Energetika ministrı Almasadam Maidanūly Sätqaliev baiandama jasady.
Osy zaŋ jobasyna bailanysty ekı eldıŋ arasyndaǧy kelısım-şart turaly QR Parlamentı Mäjılısı deputaty Qazybek İsa ötkır sūraq qoidy:
-Men eŋ aldymen Energetika ministrı Almasadam Maidanūlyna baiandamasyn qazaqşa, iaǧni memlekettık tılde jasaǧany üşın rahmet aitamyn. Jaŋa mūnyŋ aldynda Önerkäsıp jäne qūrylys ministrı Qanat Şarlapaev ta şamasy kelgenşe qazaqşa baiandama jasap, qazaq tılınde jauap beruge tyrysty.
Osylai bızdıŋ ministrler bırte-bırte öz memleketınıŋ tılın üirenıp alady dep ümıttenıp otyrmyz. Qazaq ministrı qazaqşa söilese quanatyn jaǧdaiǧa jettık otyz jylda!?.
Menıŋ sūraǧym, Qazaqstan men Fransiia arasyndaǧy kelısım-şart byltyr 2022 jyly 30 qaraşada Fransiia astanasy Parijde jasalypty.
Kelısım jasap otyrǧan ekı memleket Qazaqstan men Fransiia! Al kelısım şart nege üş memlekettıŋ tılınde qazaq, fransuz jäne orys tılınde jasalǧan?
Kelısım jasap otyrǧan ekı memleket qoi - Qazaqstan men Fransiia! Būl jerge üşınşı memleket Reseidıŋ tılınıŋ ne qajetı bar!?.
Fransiiaǧa Resei tılınıŋ tükke qajetı joq! Sonda orys tılındegı kelısım-şart bızdıŋ, Qazaqstannyŋ özınıŋ memlekettık tılın bılmeitın Ükımet üşın jasalǧan ba?!. Qaşanǧa deiın kelısım-şarttardy orys tılınde ǧana tüsınıp jürmekşısızder?
Keşe de Singapurmen kelısım-şartta da orys tılı jür.
Täuelsızdık alǧanymyzǧa 32 jyl boldy ǧoi, orys tılın qosu qaşanǧy jalǧasady, toqtatatyn uaqyt jetken joq pa?
Ūqsas jaŋalyqtar
