Búgin QR Parlamenti Májilisi jalpy otyrysynda birqatar mańyzdy máselelermen qatar «Qazaqstan Respýblıkasynyń Úkimeti men Franýz Respýblıkasynyń Úkimeti arasyndaǵy jahandyq jylynýǵa qarsy kúres salasyndaǵy yntymaqtastyqty iske asyrý týraly arnaıy kelisimdi ratıfıkaııalaý týraly» Qazaqstan Respýblıkasy Zańynyń jobasy qaraldy. Bul týraly Qazaqstan Respýblıkasynyń Energetıka mınıstri Almasadam Maıdanuly Sátqalıev baıandama jasady.
Osy zań jobasyna baılanysty eki eldiń arasyndaǵy kelisim-shart týraly QR Parlamenti Májilisi depýtaty Qazybek Isa ótkir suraq qoıdy:
-Men eń aldymen Energetıka mınıstri Almasadam Maıdanulyna baıandamasyn qazaqsha, ıaǵnı memlekettik tilde jasaǵany úshin rahmet aıtamyn. Jańa munyń aldynda Ónerkásip jáne qurylys mınıstri Qanat Sharlapaev ta shamasy kelgenshe qazaqsha baıandama jasap, qazaq tilinde jaýap berýge tyrysty.
Osylaı bizdiń mınıstrler birte-birte óz memleketiniń tilin úırenip alady dep úmittenip otyrmyz. Qazaq mınıstri qazaqsha sóılese qýanatyn jaǵdaıǵa jettik otyz jylda!?.
Meniń suraǵym, Qazaqstan men Franııa arasyndaǵy kelisim-shart byltyr 2022 jyly 30 qarashada Franııa astanasy Parıjde jasalypty.
Kelisim jasap otyrǵan eki memleket Qazaqstan men Franııa! Al kelisim shart nege úsh memlekettiń tilinde qazaq, franýz jáne orys tilinde jasalǵan?
Kelisim jasap otyrǵan eki memleket qoı - Qazaqstan men Franııa! Bul jerge úshinshi memleket Reseıdiń tiliniń ne qajeti bar!?.
Franııaǵa Reseı tiliniń túkke qajeti joq! Sonda orys tilindegi kelisim-shart bizdiń, Qazaqstannyń óziniń memlekettik tilin bilmeıtin Úkimet úshin jasalǵan ba?!. Qashanǵa deıin kelisim-sharttardy orys tilinde ǵana túsinip júrmekshisizder?
Keshe de Sıngapýrmen kelisim-shartta da orys tili júr.
Táýelsizdik alǵanymyzǵa 32 jyl boldy ǵoı, orys tilin qosý qashanǵy jalǵasady, toqtatatyn ýaqyt jetken joq pa?
