Sybailas jemqorlyqqa qarsy qyzmet QazaqGaz kompaniiasyndaǧy ūstalǧandar turaly aqparatqa jauap berdı, - dep habarlaidy "Adyrna" tılşısı.
Sybailas jemqorlyqqa qarsy qyzmettıŋ resmi ökılı Astanada ötken brifing barysynda «QazaqGaz» AQ qyzmetkerlerı men basşylyǧynyŋ ūstalǧany turaly äleumettık jelılerde paida bolǧan aqparatqa tüsınıkteme berdı.
«Osyǧan bailanysty, vedomstvolyq baǧynystaǧy ūiymdar qyzmetkerlerınıŋ ökılettıgın asyra paidalanuy mümkın degen fakt boiynşa sotqa deiıngı tergep-tekseru jürgızılıp jatqanyn habarlaimyz. Obektivtılıktı qamtamasyz etu jäne qylmystyq ärekettıŋ män-jaiyn jan-jaqty zerdeleu maqsatynda jedel-ızdestıru şaralary jürgızıldı. Qazırgı uaqytta būl ıs boiynşa eşkım qamauǧa alynǧan joq. Eşkımge aiyp taǧylǧan joq. Tergeu müddesıne sai basqa da mälımetter jariialauǧa jatpaidy», - dedı «Antikor» resmi ökılı Arman Tıleukenov.
Būǧan deiın BAQ 21 qaraşada QazaqGaz jüiesındegı top-menedjerlerdı tıntu jäne ūstau şaralary bolǧanyn habarlaǧan bolatyn. Ortalyq apparat basşysy men enşıles kompaniia «QazTransGaz Önımderı» JŞS basşysy män-jai anyqtalǧanşa qamauǧa alyndy delıngen bolatyn.
Ūqsas jaŋalyqtar
