Petrocouncil.kz سالالىق باسىلىمى QazaqGaz ۇلتتىق كومپانياسى جۇيەسىندەگى توپ-مەنەدجەرلەردى ءتىنتۋ مەن ۇستاۋ تۋرالى حابارلايدى، دەپ جازادى "ادىرنا".
«21 قاراشادا QazaqGaz جۇيەسىندەگى توپ-مەنەدجەرلەردى ءتىنتۋ جانە ۇستاۋ جۇزەگە استى. وسىلايشا ورتالىق اپپارات باسشىسى مەن ەنشىلەس كومپانيا «قازترانسگاز-ونىمدەرى» جشس باسشىسى ءمان-جاي انىقتالعانشا قاماۋعا الىندى. تىنتۋلەر ورتالىق اپپاراتتىڭ باسقا بولىمدەرىندە دە جۇرگىزىلدى»، - دەلىنگەن سارسەنبى كۇنى.
ەسكە سالايىق، 2022 جىلدىڭ جازىندا QazaqGaz-دا 1 تريلليونعا جۋىق زاڭ بۇزۋشىلىق انىقتالدى. كومپانيانى بۇعان دەيىن داريعا نازارباەۆانىڭ كۇيەۋى سانالاتىن قايرات شارىپباەۆ باسقارعان. ول قاڭتار وقيعاسىنان كەيىن قىزمەتىنەن كەتىپ، ەكس-پرەزيدەنت نۇرسۇلتان نازارباەۆتىڭ ءىنىسى بولات نازارباەۆتى جەرلەۋ راسىمىنە قاتىسقان كەزدە تاعى دا جۇرتشىلىقتىڭ نازارىنا ىلىكتى.
