Bolat Nazarbaev 5 jyl ışınde Qaskeleŋ, Talǧar, Nūr-Sūltan qalasynan jerlerdı zaŋsyz alǧan. Būl turaly «AMANAT» partiiasy janyndaǧy Memlekettık basqarudy damytu jäne sybailas jemqorlyqqa qarsy ıs-qimyl jönındegı Respublikalyq qoǧamdyq keŋestıŋ kezektı otyrysy kezınde Keŋes töraǧasy Erlan Sairov aitty, dep habarlaidy “Adyrna” ūlttyq portaly.
«Qazır el-jūrttyŋ bügıngı jaǧdaiyna nazar audaru kerek. İnfliasiia deŋgeiı öte joǧary. Halyq kedeilenıp barady. Janar-jaǧarmai baǧasy şaryqtap, soliarkanyŋ litrı 450 teŋgege jettı. Qarapaiym şarua qalai kün köredı? Ötken bilık kezındegı yǧailar men syǧailardyŋ jemqorlyq, proteksiia ısterınen sabaq aluymyz kerek. Bolat Nazarbaev esımdı azamat 5 jyl ışınde Qaskeleŋ, Talǧar, Nūr-Sūltan qalalarynda kottedj qalaşyǧyn jäne äkımşılık ǧimarat pen bazar saluǧa 240 gektar bolatyn 59 jer telımın alǧan degen aqparat bar. Būl kısınıŋ familiiasyna berılgen qūjattar menıŋ qolymda. Atalǧan jer telımderınıŋ baǧasy naryqta jüzdegen mln dollar tūrady. Sifrlyq damu, innovasiialar jäne aeroǧaryş önerkäsıbı ministrlıgınıŋ deregıne süiensek, 2 mln azamat 10 sottyq jerdı ala almai telmırıp jür. Būl netken äleumettık teŋsızdık? Konstitusiiadaǧy teŋdık prinsipterı qaida? Osyndai jaǧdai halyqtyŋ aşuyn tuǧyzatyny sözsız. Mūndai būraudyŋ mındettı türde sūrauy bolady», - dedı Erlan Sairov.
Ol osy mäselenı partiia janynan qūrylǧan keŋes naqtylauy kerek ekenın aityp, tapsyrma berdı.
«Keŋes apparatyna osy mäselemen ainalysudy tapsyramyn. Bolat Nazarbaevpen qatar, Timur Qūlybaevtyŋ da Qazaqstannyŋ är jerınde iemdenıp alǧan jerlerı bar. Sony da tekseru kerek»,- dedı Mäjılıs deputaty.
