Úkimet basshysy Álıhan Smaıylov eks-prezıdent Nursultan Nazarbaevtyń baýyry Bolat Nazarbaevtyń qazasyna ne úshin barǵanyn túsindirdi, dep habarlaıdy “Adyrna” ulttyq portaly.
Búgin Senattyń jalpy otyrysynan keıin tilshiler Úkimet basshysyna «Ótken joly eks-prezıdent Nursultan Nazarbaevtyń inisi Bolat Nazarbaevtyń janazasyna bardyńyz. Sizdiń barǵanyńyz áleýmettik jelidegi halyqtyń arasynda talqylanyp, synaldy. Jalpy sizdiń bul janazaǵa barýyńyz azamattyq pozıııa ma, joq álde protokol boldy ma?» degen suraq qoıyldy.
«Ata-babamyzdan kele jatqan dástúrimiz bar, ol qaıtys bolǵan adamnyń jaqyndary men týystaryna kóńil aıtý. Sondyqtan men premer-mınıstr retinde tuńǵysh prezıdentke kóńil aıtýdy jón dep sanadym. Onyń ústine sol kúni Almaty qalasynda is saparmen bolǵanmyn. Úlken, óte mańyzdy jobany bastadyq. Ol Almaty qalasynyń aınalma temir jolynyń qurylysynyń bastamasy boldy. Ol bizdiń kóliktik, tranzıttik áleýmettik kóterý úshin óte mańyzdy joba. Sondyqtan sol kúni Almatyda is-saparmen boldym jáne jańa aıtylǵandaı tuńǵysh prezıdentke kóńil aıtýdy jón sanadym», – dedi premer-mınıstr.
