Kelesi jyly UQShU jattyǵýlary kezeńinde Ortalyq Azııa óńirine basa nazar aýdarylady. Bul týraly brıfıngte Ujymdyq qaýipsizdik týraly shart uıymynyń Birikken shtabynyń bastyǵy Anatolıı Sıdorov málimdedi, dep habarlaıdy «Adyrna» ulttyq portaly.
Onyń aıtýynsha, daıyndyq sharalary Qyrǵyzstanda, Qazaqstanda jáne Tájikstanda ótedi.
«2024 jylǵa arnalǵan oqý-jattyǵý josparynda Ortalyq Azııa Ujymdyq qaýipsizdik aımaǵyna basa nazar aýdaryldy. Atap aıtqanda, Qyrǵyzstanda bizde UQShU-nyń Ujymdyq jedel áreket etý kúshterimen, Qazaqstanda — bitimgershilik kúshterimen, sondaı-aq Tájikstanda óńirdi jedel óristetý ujymdyq kúshterimen oqý-jattyǵýlar josparlanǵan», - dedi Anatolıı Sıdorov.
Sondaı-aq ol oqý-jattyǵýlardy ótkizý ýaqyty men daıyndyq alańdary týraly aıtýǵa áli erte ekenin, keńester aǵymdaǵy jyldyń jeltoqsan aıynda bastalatynyn da atap ótti.
«Adyrna» ulttyq portaly
