Almaty Ortalyq Aziiadaǧy eŋ damyǧan megapolis retındegı märtebesın nyǧaityp keledı. Turizm salasyndaǧy oŋ körsetkışter öŋırdıŋ negızgı baǧyttarynyŋ bırı retınde qalaǧa qyzyǧuşylyqtyŋ tūraqty ösıp otyrǧanyn däleldeidı. Turister legınıŋ artuy infraqūrylymdy damytu, qyzmet körsetu sapasyn jaqsartu jäne Almatynyŋ halyqaralyq tanymaldyǧyn keŋeitu boiynşa jürgızılıp jatqan jūmystardyŋ tiımdılıgın körsetedı.
2025 jyldyŋ üş toqsanynda megapoliske 1 869 375 adam kelgen, būl 2024 jyldyŋ osy kezeŋımen salystyrǧanda 8,1%-ǧa artyq (1 729 601 adam). Solardyŋ ışınde 563 myŋy şeteldık turister bolyp, 11%-ǧa östı, al 1,3 mln ışkı saiahatşylar, olardyŋ sany 6,9%-ǧa artqan.
Negızgı elderden kelgen şeteldık qonaqtar sanynyŋ ösuı baiqalady. 2025 jyldyŋ toǧyz aiynda Almatyǧa Reseiden 124,2 myŋ adam kelgen, būl ötken jylmen salystyrǧanda 5,7%-ǧa köp. Qytaidan kelgen qonaqtar sany 102,1 myŋ adamǧa jetıp, bırden 39,2%-ǧa östı. Ündıstannan kelgender legı 85,6 myŋ adamǧa jetıp, 3,5% ösım körsettı.
Sondai-aq, şeteldık turister sany boiynşa köş bastap tūrǧan elder qatarynda Türkiia (28 670 adam, ösım 9,1%), Koreia Respublikasy (18 535 adam, ösım 17,5%), Germaniia (12 549 adam, ösım 15,6%), Qyrǧyzstan (12 356 adam, ösım 18,9%), Özbekstan (12 259 adam, ösım 8,9%), Ūlybritaniia (10 143 adam, ösım 7,1%), İtaliia (7 637 adam, ösım 28,5%), Saud Arabiiasy (6 750 adam, ösım 5,2%), Malaiziia (5 773 adam, ösım 16,9%) jäne Fransiia (4 688 adam, ösım 25,4%) bar.
Halyqaralyq turister sanynyŋ ösuıne turistık infraqūrylymdy damytu men qonaqtarǧa arnalǧan zamanaui sifrlyq ärı servistık şeşımderdı engızudıŋ nätijesınde qol jetken. Almaty keluşıler geografiiasyn keŋeitıp, saiahatşylar üşın qolaily jaǧdai jasap, demalys pen ıskerlık turizmnıŋ tartymdy baǧyty retınde pozisiiasyn nyǧaityp otyr.
Halyqaralyq deŋgeide tanylu jürgızılıp jatqan jūmystyŋ tiımdılıgın rastaidy. Almaty 2025 jyly baruǧa ūsynylǧan baǧyttar tızımıne CNN arnasy tarapynan engızıldı, al britandyq The Telegraph basylymy Almatyny «Ortalyq Aziianyŋ ınju-marjany» dep atady. Booking.com taldamaly deregınşe, Almaty Ortalyq Aziiadaǧy turistık baǧyttar arasynda eŋ jyldam damyp kele jatqan ondyqqa kıredı.
