*20 mıllıonshy turǵyn. Halyqtyń derekter bazasynyń kórsetkishterine sáıkes, 2023 jylǵy 14 qarashada tańǵy saǵat 8.10-da týǵan 5 bala elimizdiń 20 mıllıonynshy turǵyny atandy. Qazaqstannyń mereıli azamattary Ulytaý, Jetisý, Atyraý, Aqmola jáne Túrkistan oblystarynda dúnıege keldi. 3 ul jáne 2 qyz! (Ruslan Zheldibay paraqshasynan)
*19 mıllıonynshy turǵyn. Almaty oblysy Ile aýdany Chapaev aýylynan. 19 mıllıonynshy turǵyn Janııa Azamatqyzy 2021 jyldyń 20 shildesinde túngi saǵat 2-de Almatydaǵy perınataldyq ortalyqta dúnıe esigin ashqan. Ol – shańyraqtaǵy tórtinshi qyz.
*18 mıllıonynshy qazaq. 2017 jyldyń shildesinde Taldyqorǵan qalalyq perınataldyq ortalyǵynda dúnıege kelgen. 18 mıllıonynshy qazaqtyń esimi – Múslıma. Ol 11 mamyr kúni keshki saǵat 20:15 jaryq dúnıe esigin ashqan. Sábıdiń salmaǵy – 3 keli 300 gramm, boıy – 51 sm.
*17-mıllıonynshy turǵyn. 2013 jyldyń 16 mamyrynda Ońtústik Qazaqstan oblysy, Saıram aýdandyq AHAT organynda týý týraly kýálik berilgen. Sábıdiń esim -soıy -Altynbek Esqarauly. Salmaǵy – 3670 gramm, boıy 53 santımetr.
*16 mıllıonynshy qazaq. 2004 jyly Óskenbevtar otbasynda egiz bala dúnıege keldi. Biriniń aty – Perızat, ekinshisiniń esimi – Bekzat. Bir qyzyǵy, Perızat 15 999 999 nómirimen jaryq dú¬nıeniń esigin ashqan. Mamandar ekinshi egiz Bekzattyń Qazaqstannyń 16 mıllıon¬ynshy turǵyny ekenin anyqtaǵan. Aıagóz qalasynda turatyn Óskenbaevtar otbasynyń bul altynshy balasy. Aıagóz aýdandyq ákimshiligi Óskenbaevtar otbasynyń alty balasyna da birden alty televızordy syıǵa tartqan.
*Almatynyń mıllıonynshy turǵyny – Baýyrjan Qadirsizov. 1981 jyldyń 19 jeltoqsanynda dúnıege kelgen. Ony aty ańyzǵa aınalǵan batyrymyz batyr Baýyrjan Momyshuly arnaıy kirip quttyqtaǵan. Bir bólmeli páter.
*Almatynyń eki mıllıonynshy turǵyny – Aıala Jambyl. Ol – kópbalaly otbasyndaǵy altynshy sábı.
*Astananyń mıllıonynshy turǵyny 2016 jyly 4 shildede dúnıe esigin ashty. Salmaǵy -3150 gramm, al boıy 52 santımetr. Eki bólmeli páter.
*Shymkenttiń mıllıonynshy turǵynynyń esimi – Aısulý Elaman. Eki bólmeli páter.
... Ulttyń sany da, sapasy da artsyn!
Berik Beısenuly
