Özbekstan prezidentı Şavkat Mirziioev Qūrban ait merekesıne bailanysty äleumettık-ekonomikalyq qoldauǧa mūqtaj halyqqa kömek körsetu jönındegı ūsynystardyŋ tanystyrylymymen tanysty. Būl turaly prezidenttıŋ baspasöz qyzmetı mälımdedı, dep habarlaidy “Adyrna”.
Tanystyrylymda Özbekstan mūsylmandary basqarmasy, Ūlttyq äleumettık qorǧau agenttıgı, Densaulyq saqtau ministrlıgı, Ekonomika jäne qarjy ministrlıgı, Özbekstan mahalla qauymdastyǧy, sondai-aq «Vakf» qaiyrymdylyq qoǧamdyq qory äzırlegen ūsynystar qaraldy.
Ūsynystarǧa säikes, Qūrban ait qarsaŋynda auqymdy äleumettık şaralar ötkızu josparlanǧan. Atap aitqanda, auyr jäne mügedektıkke äkeletın aurulary bar 10 myŋ balaǧa hirurgiialyq operasiia jasau, 2,3 myŋ onkologiialyq jäne gematologiialyq nauqasty tekserıp emdeu, sondai-aq bauyr men büirek transplantasiiasyna ketken şyǧyndardy kemınde 350 nauqasqa öteu közdelgen.
Sonymen qatar, 8 myŋnan astam jetım jäne ata-anasynyŋ qamqorlyǧynsyz qalǧan balalarǧa, sondai-aq qyzmettık boryşyn öteu kezınde qaza tapqan äskeri qyzmetşılerdıŋ balalaryna jinaq şottaryna 200 AQŞ dollary kölemınde qarajat audaru qarastyrylǧan.
Būdan bölek, 500 meşıtte däret alatyn oryndardy salu nemese jöndeu, zirattardy abattandyru jäne äleumettık tūrǧyda osal otbasylardy azyq-tülıkpen qamtamasyz etu josparlanǧan.
Būl şaralardy qarjylandyruǧa 690 milliard sum bölınetını aityldy. Prezident jauapty tūlǧalarǧa barlyq jūmystardy aşyq ärı naqty maqsatqa baǧyttap ūiymdastyrudy tapsyrdy.
