2025 jyldyŋ 11 aiynyŋ qorytyndysy boiynşa Almaty oblysy özınıŋ tarihynda alǧaş ret memlekettık biudjetke salyqtar men basqa da mındettı tölemder boiynşa 1 trln teŋgeden astam qarjy tüsırdı. Būl körsetkış 2024 jyldyŋ säikes kezeŋımen salystyrǧanda 104,5 mlrd teŋgege nemese 11,4%-ǧa joǧary (01.12.2024 j. jaǧdaiy boiynşa – 915,1 mlrd teŋge).
Jergılıktı biudjetke tüsımderdıŋ aitarlyqtai artqany baiqalady: öŋırdıŋ menşıktı kırısterı 566,8 mlrd teŋgenı qūrap, 2024 jylǧy deŋgeiden 98 mlrd teŋgege nemese 20,9%-ǧa köp boldy (468,9 mlrd teŋge).
Respublikalyq biudjetke tüsımder 452,8 mlrd teŋgenı qūrap, ötken jylǧy körsetkışten 6,6 mlrd teŋgege nemese 1,5%-ǧa joǧary boldy (446,2 mlrd teŋge).
Eger, 2021 jylmen salystyrǧanda (sol jyly tüsımder kölemı 663,4 mlrd teŋge bolǧan), jalpy ösım 356,2 mlrd teŋgenı qūrap otyr, onyŋ ışınde respublikalyq biudjetke tüsımder 106,7 mlrd teŋgege, jergılıktı biudjetke tüsımder 249,4 mlrd teŋgege artqan.
Anyqtama üşın:
2022 jyl — 780,1 mlrd teŋge (RB — 384,0; JB— 396,1 mlrd teŋge);
2023 jyl — 888,6 mlrd teŋge (RB — 488,3; JB— 400,3 mlrd teŋge);
2024 jyl — 997,6 mlrd teŋge (RB — 477,0; JB— 520,5 mlrd teŋge).
Būl oqiǧa öŋırdıŋ äleumettık-ekonomikalyq damuynyŋ maŋyzdy kezeŋı bolyp, salyq bazasyn keŋeitu jäne käsıpkerlıktı qoldau baǧytynda qabyldanyp jatqan şaralardyŋ tiımdılıgın däleldep otyr.
