Premer-Mınıstrdiń orynbasary – qarjy mınıstri Erulan Jamaýbaev Memleket basshysynyń tapsyrmasyna sáıkes zańsyz ıemdenilgen aktıvterdi qaıtarý boıynsha atqarylyp jatqan jumystar týraly «Qazaqstan» arnasyna suhbat berdi.
Vıe-premer atap ótkendeı, barlyq qaıtarylǵan qarajat arnaıy memlekettik qorda jınaqtalatyn bolady. Eger qaıtarylatyn aktıv múlik túrinde bolsa jáne memleket tarapynan qyzyǵýshylyq bolsa, onda aktıv qandaı da bir memlekettik organnyń nemese ulttyq kompanııanyń basqarýyna berilýi múmkin. Al memleket úshin mańyzdy emes aktıvter ashyq konkýrs arqyly satylyp, odan túsken qarajat ta arnaıy qorǵa jiberiledi. Jınaqtalǵan qarajatqa tıisti baqylaý júrgiziletin bolady.
«Qarajat Respýblıkalyq bıýdjet komıssııasynyń qaraýyna shyǵarylyp, sol jerde qandaı jobany qarjylandyrý qajet ekeni anyqtalyp, sodan keıin ǵana bólinedi. Bul qarajatqa tıisti baqylaý jasalady. Birinshiden, Qarjy mınıstrligi kez kelgen bıýdjet qarjysyna baqylaý júrgizýge quzyretti. Ekinshiden, Joǵary aýdıtorlyq palata da memleketke kelip túsken qarajatty kez kelgen ýaqytta tekserýge múmkindigi bar. Sondyqtan baqylaý joǵary deńgeıde qamtamasyz etiledi», – dep atap ótti Erulan Jamaýbaev.
Premer-Mınıstr orynbasarynyń aıtýynsha, qaıtarý proesi erikti jáne májbúrli túrde júzege asyrylýy múmkin. Alaıda, erikti túrde qaıtarýǵa basymdyq beriledi. Osy oraıda basty maqsat – qaıtarylǵan qarajatty el múddesine jaratý.
«Biz úshin eń mańyzdysy, eger zańsyz ıemdelgen qarajat nemese aktıv bolsa, erterek qaıtarylyp, ásirese erikti túrde, elimizge jumys istep, jumys oryndary ashylyp, salyq tólense – negizgi maqsatqa qol jetkizdik dep aıta alamyz», – dep Erulan Jamaýbaev zańsyz ıemdelingen aktıvterdiń qaıtarylý barysy týraly suhbatyn qorytyndylady.
