Premer-Ministrdıŋ orynbasary – qarjy ministrı Erūlan Jamaubaev Memleket basşysynyŋ tapsyrmasyna säikes zaŋsyz iemdenılgen aktivterdı qaitaru boiynşa atqarylyp jatqan jūmystar turaly «Qazaqstan» arnasyna sūhbat berdı.
Vise-premer atap ötkendei, barlyq qaitarylǧan qarajat arnaiy memlekettık qorda jinaqtalatyn bolady. Eger qaitarylatyn aktiv mülık türınde bolsa jäne memleket tarapynan qyzyǧuşylyq bolsa, onda aktiv qandai da bır memlekettık organnyŋ nemese ūlttyq kompaniianyŋ basqaruyna berıluı mümkın. Al memleket üşın maŋyzdy emes aktivter aşyq konkurs arqyly satylyp, odan tüsken qarajat ta arnaiy qorǧa jıberıledı. Jinaqtalǧan qarajatqa tiıstı baqylau jürgızıletın bolady.
«Qarajat Respublikalyq biudjet komissiiasynyŋ qarauyna şyǧarylyp, sol jerde qandai jobany qarjylandyru qajet ekenı anyqtalyp, sodan keiın ǧana bölınedı. Būl qarajatqa tiıstı baqylau jasalady. Bırınşıden, Qarjy ministrlıgı kez kelgen biudjet qarjysyna baqylau jürgızuge qūzyrettı. Ekınşıden, Joǧary auditorlyq palata da memleketke kelıp tüsken qarajatty kez kelgen uaqytta tekseruge mümkındıgı bar. Sondyqtan baqylau joǧary deŋgeide qamtamasyz etıledı», – dep atap öttı Erūlan Jamaubaev.
Premer-Ministr orynbasarynyŋ aituynşa, qaitaru prosesı erıktı jäne mäjbürlı türde jüzege asyryluy mümkın. Alaida, erıktı türde qaitaruǧa basymdyq berıledı. Osy oraida basty maqsat – qaitarylǧan qarajatty el müddesıne jaratu.
«Bız üşın eŋ maŋyzdysy, eger zaŋsyz iemdelgen qarajat nemese aktiv bolsa, erterek qaitarylyp, äsırese erıktı türde, elımızge jūmys ıstep, jūmys oryndary aşylyp, salyq tölense – negızgı maqsatqa qol jetkızdık dep aita alamyz», – dep Erūlan Jamaubaev zaŋsyz iemdelıngen aktivterdıŋ qaitarylu barysy turaly sūhbatyn qorytyndylady.
Ūqsas jaŋalyqtar
