Memleket basşysynyŋ tapsyrmasy boiynşa äzırlengen Bankter turaly jaŋa zaŋ qarjylyq-tehnologiialyq sektordy odan ärı damytu jäne sifrlyq qarjy aktivterın retteu üşın jaǧdai jasaidy.
Qazırgı uaqytta qarjylyq qyzmetterdı ūsynudyŋ jaŋa modelderı, onyŋ ışınde marketpleister arqyly qarjylyq qyzmetter körsetu jäne bankterdıŋ qarjylyq-tehnologiialyq kompaniialarmen özara äreketı belsendı damyp keledı. Bankter turaly zaŋda bankterdıŋ sifrlyq tehnologiialar, elektrondyq kommersiia, kiberqauıpsızdık, biometriia, jasandy intellekt jäne telekommunikasiia salalarynda jūmys ısteitın qarjylyq-tehnologiialyq kompaniialardyŋ kapitalyna investisiialau jönındegı mümkındıkterın keŋeitu közdelgen. Būl rette mūndai investisiialar üşın bankterdıŋ körsetılgen kompaniialardyŋ kapitalyna qatysu mölşerı men ülesı boiynşa limitter belgılenetın bolady.
Bank özınıŋ tehnologiialyq infraqūrylymyn özge ūiymǧa beru jolymen bank qyzmetın jüzege asyru kezınde osy ūiymnyŋ klientterı aldynda bank qyzmetterın tiısınşe körsetkenı üşın derbes jauapty bolady.
Zaŋnyŋ negızgı jaŋalyǧy – aktivterdıŋ jaŋa klasy retınde sifrlyq qarjy aktivterın (SQA) retteudı engızu. Zaŋda sifrlyq qarjy aktivterınıŋ üş türı közdelgen: bırınşısı – aqşaǧa talap etu qūqyǧyn rastaityn sifrlyq aktivter, iaǧni – steiblkoinder, ekınşısı – bazalyq aktivpen qamtamasyz etılgen sifrlyq qarjy aktivterı jäne üşınşısı – sifrlyq nysanda şyǧarylatyn qarjy qūraldary.
Steiblkoinderdıŋ şyǧarylymyn jäne ainalysyn Ūlttyq Bank retteidı. Agenttıktıŋ bazalyq aktivpen qamtamasyz etılgen sifrlyq aktivterdı jäne sifrlyq nysanda şyǧarylatyn qarjy qūraldaryn şyǧaruǧa jäne ainalysyna qoiylatyn talaptardy belgıleu jönındegı ökılettıkterı engızıledı. Sifrlyq qarjy aktivterın şyǧarudy sifrlyq platformalar operatorlary jüzege asyratyn bolady. Būl qarjy naryǧynyŋ jaŋa subektılerı, olardyŋ qyzmetın Ūlttyq Bank lisenziialaidy.
Sifrlyq qarjy aktivterıne dästürlı qarjy qūraldary üşın belgılengen ūqsas talaptar, onyŋ ışınde täuekelderdı basqaruǧa, aqparatty aşuǧa jäne investorlardyŋ qūqyqtaryn qorǧauǧa qatysty talaptar qoiylatyn bolady. Būl olardyŋ ainalysynyŋ aşyqtyǧy men senımdılıgın qamtamasyz etuge mümkındık beredı.
Zaŋda qamtylǧan tüzetulerdıŋ edäuır blogy ūlttyq qarjy infraqūrylymyn jaŋǧyrtuǧa baǧyttalǧan. Sifrlyq teŋgenıŋ ūlttyq valiutanyŋ jaŋa nysany retındegı märtebesı zaŋnamalyq türde bekıtıledı. Sifrlyq teŋgenıŋ ainalysy jäne ony paidalanu tärtıbın Ūlttyq Bank aiqyndaidy.
Būdan basqa, tölem ūiymdarynyŋ qyzmetın retteudı küşeitu közdeledı. Olardyŋ kapitaly men täuekelderdı basqaru jüiesıne qosymşa talaptar belgıleu josparlanuda.
Bankter turaly jaŋa zaŋda tehnologiialyq özgerıster, ekonomikany qarjylandyrudaǧy bank sektorynyŋ rölın arttyru, bäsekelestıktı küşeitu jäne naryqqa jaŋa qatysuşylardy tartu, sondai-aq qarjylyq tehnologiialardy ılgerıletu jäne sifrlyq aktivterdıŋ ainalymyn yryqtandyru mäselelerı eskerıledı.
