Saltanat Núkenovanyń týystary ony óltirdi degen kúdikke ilingen kúıeýi, eks-mınıstr Qýandyq Bıshimbaevtyń aǵasynyń da jaýapqa tartylýyn talap etip otyr, dep habarlaıdy "Adyrna" portaly KTK telearnasynyń saıtyna siltep.
Núkenovter otbasy burynǵy mınıstr Bıshimbaevtyń yqpaldy baılanystary bar týystary tergeýge qysym kórsetýi múmkin dep sanaıdy. Sondyqtan marqum qyzdyń týystary tergeýge qatysqan árbir adam óziniń beıtaraptyǵyn saqtaıtynyna kóz jetkizgenshe elordada qalýdy josparlap otyr. Al keshe Saltanattyń týystary Ishki ister mınıstriniń birinshi orynbasary Marat Qojaevpen kezdesti. Aıtýlarynsha, Saltanattyń ólimin asa mańyzdy isterdiń tergeýshisi tekserip jatyr. Polıııa olarǵa is nátıjeleriniń barlyǵy obektıvti jáne zań talabyna saı bolady dep ýáde berdi.
"Bul biz úshin orny tolmas qaıǵy. Áke men ana úshin ǵana emes, bárimiz úshin, búkil otbasymyz úshin. Árıne, biz sońyna deıin kúresemiz. Eger jaǵdaıǵa kóz juma salyp, osy máselemen kelise salsaq qylmysker bostandyqqa shyǵyp, mindetti túrde taǵy bir qylmys jasaıdy. Bıshimbaevty kinálaıtyn basqa da faktiler bar. Sondyqtan, rasynda da gastroentr dırektorynyń eki aıǵa qamaýǵa alynǵany bizdi qanaǵattandyrady», - dedi Saltanat Núkenovanyń kókesi Qaırat Núkenov.
Saltanat Núkenovanyń týystary eks-ekonomıka mınıstri men gastroentr dırektoryn qatań jazalaýmen qatar, olardyń málimeti boıynsha barlyǵyn bile tura tıisti shara qoldanbaǵan Qýandyqtyń Bıshimbaevtyń aǵasyn da jaýapqa tartý kerektigin aıtty.
«Onyń aǵasy Baıjan nemese Baqytjan kelgen de, kirip, jaǵdaıdy kóre tura, Saltanattyń ólip bara jatqanyn bilip tursa da esh habar bermegen. Ol ony uıyqtap jatyr, qoryldap jatyr dep oılaǵan. Qaıdaǵy qoryldaý, ol ólip bara jatyp aýyr dybystar shyǵarǵan. Aýyr halde jatqanynan-aq, ol jerde qylmys oryn alǵany belgili edi. Ol dereý quzyrly organdarǵa habarlap, jedel járdem shaqyrýy kerek edi, sonda bizdiń qaryndasymyz tiri qalar edi», - deıdi Qaırat Núkenov.
Ol týystarynyń sot-medıınalyq sarapshylarǵa qosymsha málimetteri bar ekenin, sondyqtan saraptama men taldaýdyń naqty merzimi týraly bilgisi keletinin aıtty.
Aıta keteıik, 2023 jyldyń 9 qarashasynda burynǵy Ulttyq ekonomıka mınıstri Qýandyq Bıshimbaev áıelin uryp óltirdi degen kúdikpen ustaldy. Qaıǵyly oqıǵa elordadaǵy «Baý» meıramhanasynda bolǵan.
