Muǵalimniń ólimine sebepshi bolǵan mektep dırektory qandaı jazaǵa tartylmaq?

3322
Adyrna.kz Telegram

Óskemende №5 orta mektep dırektoryna qatysty alty ákimshilik is qozǵaldy. Oǵan mektep muǵalimi Ásem Nurǵalıevanyń jazǵan aryzy sebep bolǵan. Muǵalimniń ózi osydan biraz kún buryn aýrýhanada bir apta boıy es-tússiz jatyp kóz jumdy. Bul týraly "31" arnanyń "Informbıýro" baǵdarlamasy habarlaıdy. 

Marqum Ásem Nurǵalıeva jumysqa byltyr tamyz aıynda ǵana ornalasypty. Áriptesteriniń aıtýynsha, jumysyna tııanaqty. Jaýapty jáne eńbekqor bolǵan. Biraq qyzmetine endi kirisken mamandy mundaǵy mektep dırektory jaqtyrmaı, qýdalaǵan.

"Qatty kúızeliske túsýi dep oılaımyn. Basshynyń tarapynan qýdalaýǵa túskendikten ol óte qatty kúızeliste boldy. Men óz kózimmen kórip júrdim, Ásemdi. Jáne de Ásem maǵan aıtyp júretin. Únemi aıtyp júrdi", - dedi mekteptiń pedagog-psıhologi Marjan Qanatbekqyzy.

Áriptesteriniń aıtýynsha, marqum qatty qınalǵan kezde quzyrly organdarǵa birneshe ret shaǵymdanbaq bolǵan. Biraq dırektordy jeńe alamyz ba degen kúdikpen kóp júrgen.
Qazir mekteptiń ózge de ustazdary basshysynyń áreketine qatysty quzyrly mekemelerge shaǵymdanýda.

Pikirler