Qazaqstan syrtqy ister mınıstri basshysynyń orynbasary Roman Vasılenko Reseı qorǵanys mınıstri Sergeı Shoıgýdyń Ortalyq Azııadaǵy ÚEU "Reseıge qarsy qyzmetpen aınalysady"degen málimdemesine jaýap berdi, dep habarlaıdy “Adyrna” ulttyq portaly.
Roman Vasılenko azamattyq sektor men ÚEU-ny qoldaý prezıdent pen úkimet úshin mańyzdy basymdyq ekenin eske saldy.
– Eger durys esimde bolsa, bizdiń elimizde 18 myń úkimettik emes uıym bar. Olar zańnamaǵa sáıkes áreket etedi ári bizdiń qoǵamnyń óte mańyzdy bóligi sanalady. Iaǵnı, azamattyq qoǵamdy memleket qoldaıdy, - dedi ol.
Buǵan deıin Reseı qorǵanys mınıstri Sergeı Shoıgý Kremldiń Kıevka qarsy soǵysyna meńzep, Ortalyq Azııa elderinde Reseımen áskerı-tehnıkalyq, ekonomıkalyq jáne mádenı yntymaqtastyǵyn álsiretý úshin Máskeýge qarsy áreketter boı kótergenin málimdegen.
– Biz olardyń aldyn alý sharalaryn qabyldaımyz, - degen Reseı mınıstri Sergeı Shoıgý.
