Qazaqstannyŋ eŋbek sıŋırgen qairatkerı, tanymal änşı Gülzira Bökeihan dünieden öttı, dep habarlaidy "Adyrna" ūlttyq portaly.
Gülzira Bökeihan 1969 jyly Qytai Halyq Respublikasynyŋ Şyŋjaŋ ölkesınde düniege kelgen.
1983 jyly Ile oblystyq öner kolledjıne oquǧa tüsıp, 1986 jyly atalmyş oqu ornyn tämamdady. Alǧaşqy eŋbek jolyn Ile oblystyq Qazaq än-bi teatrynda bastady. Keiın bılımın jetıldıru maqsatynda 1988–1993 jyldary Beijıŋ ūlttyq universitetınıŋ muzyka fakultetınde vokal mamandyǧy boiynşa bılım alyp, bakalavr därejesın ielendı.
1999 jyly tarihi Qazaqstanǧa oralǧan Gülzira Bökeihan Qūrmanǧazy atyndaǧy Qazaq ūlttyq konservatoriiasynyŋ aspiranturasyna qabyldanyp, KSRO halyq ärtısı Roza Jamanovanyŋ jetekşılıgımen bılım aldy. Ol oquyn 2001 jyly aiaqtady.
Osy kezeŋnen bastap öner iesı Astana qalasynda eŋbek etıp, Astana memlekettık filarmoniiasynda jäne Prezidenttık mädeniet ortalyǧynda änşı retınde körermen yqylasyna bölendı. Ol qazaq vokal önerınıŋ damuyna eleulı üles qosyp, şäkırt tärbieleu ısıne de atsalysty.
