Koreıanyń jetekshi ýnıversıtetterin Taldyqorǵan qalasyndaǵy Nazarbaev zııatkerlik mektebiniń oqýshylary aralady. Sapar Koreıa Respýblıkasynyń Týrızm, mádenıet jáne sport mınıstrligi uıymynyń jáne Koreıa Respýblıkasy Elshiligi Bilim berý ortalyǵynyń qoldaýymen uıymdastyryldy.
Zııatkerler NIS oqýshylary arasynda bul elde oqýǵa degen qyzyǵýshylyqtyń nelikten jyl saıyn artyp kele jatqanyn túsindirdi.
Mektep oqýshylary bes ýnıversıtetti, zerthanalardy, stýdenttik úılerdi aralap, qabyldaý komıssııalarymen, eldegi sheteldik stýdentterdiń tynys-tirshiligimen, Ońtústik Koreıanyń jas ǵalymdar men bolashaq kóshbasshylarǵa berip otyrǵan múmkindikterimen tanysty.
Ár ýnıversıtettiń ózindik ereksheligi bar. Mysaly, Koreıa ýnıversıteti eldegi eń kóne oqý oryndarynyń biri. Ataqty túlekter qataryna Ońtústik Koreıanyń onynshy prezıdenti Lı Mıon Bak kiredi. Ýnıversıtette 59 akademııalyq fakýltetter men baǵdarlamalar bar.
12-synyp oqýshysy Asqar Qalıǵa unaǵan ýnıversıtetterdiń biri – jetekshi oqý orny jáne zertteý ýnıversıteti bolyp tabylatyn Koreıanyń ǵylym jáne tehnologııanyń ozyq ınstıtýty (KAIST). 2023 jyly KAIST álemdegi eń bedeldi jáne ınnovaııalyq ýnıversıtetterdiń biri bolyp qala beredi. Azııa ýnıversıtetteri arasynda 8-shi orynda.
Ýnıversıtette oqýdyń barlyq kezeńinde mamandyqty tańdaýǵa bolady. Oqytý aǵylshyn tilinde júrgiziledi. Ýnıversıtet tamasha stıpendııalyq júıeni usynady. Sondaı-aq oqýdy bitirgennen keıin Google, LG, Samsung, Audi sııaqty iri kompanııalarda jumys isteýge múmkindik bar, — deıdi Asqar Qalı suhbatynda.
Yonsei ýnıversıteti «Koreı lıga Plıýa» ataǵyn laıyqty túrde ıelenip keledi. Bul oqý ornyna 10-synyp oqýshysy Aıym Baýyrjanqyzy qyzyǵýshylyq tanytty.
Yonsei Seýl ulttyq ýnıversıtetimen jáne Koreıa ýnıversıtetimen birge eldegi eń bedeldi SKY úsh ýnıversıtetiniń biri bolyp tabylady. Koreıada SKY úsh ýnıversıtetiniń kez kelgenine túsý tabysty bolashaq mansap pen joǵary áleýmettik mártebe alý úshin óte mańyzdy bolyp sanalady.
Gýmanıtarlyq baǵdarlamalardyń keń tańdaýy bar jáne siz birinshi oqý jylynyń sońyna qaraı óz mamandyǵyńyzdy tańdaı alasyz. 2023 jyldan bastap Yonsei ýnıversıteti NIS túlekterinen usynys hattaryn talap etpeıdi, — deıdi Aıym.
Kelesi kezekte oqýshylar KNU, Koreıa jáne Seýl ýnıversıtetterinde boldy.
Sapar barysynda mazmundy baǵdarlama uıymdastyryldy. NZM oqýshylary tarıhı Kıonbokgýn saraıyn, Samsýng murajaıyn, áıgili Nant aspazdyq shoýyn tamashalap, Lotte World Adventure oıyn-saýyq saıabaǵyn aralap, elimizdiń mádenı murasyna qanyqty.
Esterińizge sala keteıik, Taldyqorǵan NZM men Koreıa arasyndaǵy bilim salasyndaǵy yntymaqtastyq týraly memorandým 2020 jyly jasalǵan bolatyn.
Taldyqorǵan qalasyndaǵy Zııatkerlik mektebiniń oqýshylary 2011 jyldan bastap koreı tilin úırenýde. 2018-2019 oqý jylynda 10-synyptarǵa koreı tili ekinshi shet tili retinde oqytý mindetti bolyp tabylyp, oqý josparyna engizildi.
2012-2015 jyldar arasynda mektepte «Qazaqstan-Koreıa» stýdentterin almastyrý boıynsha joba júrgizildi. Oqýshylar Seýl qalasyndaǵy Tanje mektebinde oqyp, tájirıbe jınady. Sonymen qatar, Qazaqstan delegaııasy quramynda Sývon qalasynda ótken Azııa-Tynyq muhıt aımaǵy elderiniń jastar ekologııalyq forýmyna qatysqan.
