Ózbekstanda jeńil kólikke úlken tas qulap ketti, dep habarlaıdy "Adyrna" ulttyq portaly.
Bul týraly Podrobno.uz saıty habarlaǵan.
Qaıǵyly oqıǵa 6 qarashada saǵat 16:00-de Qashqadarııa oblysyndaǵy Tahtaqarasha asýynda bolǵan. Úsh adam oqıǵa ornynda kóz jumdy.
Belgili bolǵandaı, jeńil kólik Kıtabtan Samarqandqa bara jatqan. Beıresmı derekterge súıensek, salondaǵy jolaýshylar - Vengrııa azamattary, júrgizýshi ózbekstandyq azamat bolǵan.
Qazirgi ýaqytta ótkel kólik qozǵalysyna ýaqytsha jabylǵan. Qazir onda bir top mamandar jumys istep jatyr.
