Otbasy banki áleýmettik jelidegi paraqshasyna zeınetaqy qoryndaǵy qarajatpen baspana alý úshin qandaı qujattar keregin jarııalady, dep habarlaıdy “Adyrna” ulttyq portaly.
45 kúnniń ishinde satýshymen birge Halyqqa qyzmet kórsetý ortalyǵyna nemese notarıýsqa baryp satyp alý – satý kelisim shartyn rásimdep, qarajattyń maqsatty qoldanylatynyn rastaý úshin kelesi qujattardy enpf-otbasy.kz onlaın platformasyna PDF formatynda júkteý qajet:
1. Ýákiletti organ tirkegen turǵyn úıdi satyp alý-satý sharty.
2. Memlekettik tirkeý týraly anyqtama. (satyp alý-satý shartyn tirkegen mekemeden alynady HQKO nemese notarıýs)
3. Jyljymaıtyn múlikke tirkelgen quqyqtar týraly jáne onyń tehnıkalyq sıpattamalary týraly anyqtama (egov.kz - arqyly alýǵa bolady)
1 jáne 2 qujattardy bir PDF faılǵa júkteý kerek. Eger sizdiń skaner PDF formatyndaǵy qujat jasaı almasa, onda www.ilovepdf.com saıty arqyly kez kelgen JPEG, PNG nemese basqa formattaǵy qujatty PDF - ke tegin aýystyra alasyz.
Qujattardy júktegen soń qarajatty satýshyǵa aýdarý týraly ótinishke EQ kómegimen qol qoıyńyz.
10 jumys kúni ishinde qarajat satyp alý – satý kelisim shartynda kórsetilgen derektemeler boıynsha satýshynyń shotyna túsetin bolady. Eske salsaq, buǵan deıin atalǵan platformada páter satyp alý nemese zaımdy óteýge arnalǵan qujattardy júktegenge deıin birrettik zeınetaqy tólemin alǵan soń oǵan týysyńyz bergen qarajatty qosý múmkindigi berilgen edi.
2021 jyly 2 qańtarda QR Prezıdenti Qasym-Jomart Toqaev zeınetaqy jınaǵynyń bir bóligin maqsatty paıdalanýǵa qatysty zańǵa qol qoıdy.
Qazaqstandyqtardyń zeınetaqy jınaqtaryn paıdalaný úshin jańartylǵan «jetkiliktilik shegi» jarııalandy. Zeınetaqy jınaǵynan alýǵa bolatyn soma BJZQ saıtynda avtomatty túrde kórsetiledi.
23 qańtardan Qazaqstanda zeınetaqynyń bir bóligin alýǵa ótinim qabyldaý bastaldy. Arnaıy portalda zeınetaqynyń bir bóligin alýǵa ótinim qabyldaý bastalǵaly úsh saǵattyń ishinde 4 myńnan astam adam ótinish berdi.
