Bıylǵy jyly QR Tuńǵysh Prezıdentiniń Keńsesine respýblıkalyq bıýdjetten 1,6 mlrd teńge bólindi. Bul týraly PROTENGE telegramm arnasy jazdy, dep habarlaıdy «Adyrna» tilshisi.
Atap aıtsaq, 708 mln teńge – Nursultan Nazarbaevtyń, al 969 mln teńge – Tuńǵysh Prezıdent kitaphanasynyń qyzmetterin qamtamasyz etýge bólingen.
Ótken jyly eks-prezıdenttiń keńsesin ustaýǵa bıýdjetten 2,6 mlrd teńge, 2021 jyly 2,1 mlrd teńge qarastyrylǵan edi.
Aıta keteıik, Qazaqstan Respýblıkasy Tuńǵysh Prezıdentiniń Keńsesi – Nursultan Ábishuly quratyn, oǵan tikeleı baǵynatyn jáne esep beretin memlekettik organ. Mıssııasy — Tuńǵysh Prezıdenttiń qyzmetin jáne onyń mártebesin iske asyrýdy aqparattyq-taldamalyq, qujattamalyq, uıymdyq-protokoldyq jáne ózge de túrde sapaly jáne ýaqtyly qamtamasyz etý.
