Eks vıe-mınıstr Nurjan Áltaevqa qatysty is boıynsha aldyn ala tyńdalym bastaldy. Bul týraly Astananyń qylmystyq ister jónindegi mamandandyrylǵan aýdanaralyq sotynyń baspasóz qyzmeti málimdedi, dep habarlaıdy «Adyrna» ulttyq portaly.
Oǵan asa iri mólsherde aqsha túrinde para aldy degen aıyp taǵyldy (qylmystyq kodekstiń 366-babynyń 4-bóligi).
Nurjan Áltaev 2018 jylǵy aqpannan 2020 jylǵy shildege deıin «Atameken» UKP múddeleri úshin tıimdi resmı sheshim qabyldaýǵa yqpaldasyp, deldal arqyly A.Myrzahmetovten para retinde jalpy somasy 50 mıllıon teńgeden astam (115 myń AQSh dollary jáne 8 mıllıon 150 myń teńge) aqshalaı qarajat aldy dep aıyptalǵan.
Qylmystyq is 15 tomnan turady, is boıynsha 18 kýáger ótken.
Eske salaıyq, 7 maýsymda májilistiń eks-depýtaty Nurjan Áltaev para aldy degen kúdikpen ustaldy. Bul aqparatty sybaılas jemqorlyqqa qarsy is-qımyl agenttigi rastady.
«Adyrna» ulttyq portaly
