Qaraǵandyda turǵyn úıden órt shyǵyp, eki bala kóz jumdy, dep habarlaıdy "Adyrna" ulttyq portaly.
Qaıǵyly oqıǵa 9 qańtarǵa qaraǵan túni Prıshahtınskaıa kóshesindegi turǵyn úıde bolǵan. Kómirtegi totyǵynan ýlaný jáne kúıik saldarynan eki bala qaza tapqan. Olar 2 jáne 4 jasta bolǵan.
Qaraǵandy oblysy TJD baspasóz qyzmeti málimetinshe, 7 jáne 9 jastaǵy eki bala órtengen úıden óz betinshe shyǵyp úlgergen.
"Jeke turǵyn úıdiń bir bóliginde shatyr, tóbe jáne úıdegi zattar órtengen. Qutqarýshylar kelgenge deıin 2017 jáne 2015 jyly týǵan eki bala ózdiginen shyǵyp úlgergen, aldyn ala málimet boıynsha olar kómirtegi totyǵynan ýlaný dıagnozymen balalar aýrýhanasyna jetkizildi. Oqıǵa ornyna dereý kelgen órtsóndirýshiler 1964 jyly týǵan áıeldi qutqardy. Ol ýlaný, kúıik dıagnozdarymen Maqajanov atyndaǵy klınıkaǵa jatqyzyldy. Sondaı-aq, qutqarýshylar 2020 jáne 2022 jyly týǵan eki balanyń denesin tapty", - dedi Qaraǵandy oblysy TJD baspasóz qyzmeti ókili.
Resmı málimetterge sáıkes, órttiń jalpy aýdany 50 sharshy metr bolǵan. TJM kúshterimen órt tolyǵymen aýyzdyqtaldy.
"Órttiń aldyn ala sebebi - elektr symdarynyń qysqa tuıyqtalýy. Órt deregi boıynsha qylmystyq is qozǵaldy jáne saraptama taǵaıyndaldy", - dedi vedomstvo ókili.
