"قازاۆتوجول" ۇك" اق باسشىسى مەيىرحات قاسىمباەۆ ءوز ەركىمەن قىزمەتىنەن كەتتى. بۇل تۋرالى ول ءوزىنىڭ الەۋمەتتىك جەلىدەگى پاراقشاسىندا مالىمدەدى، دەپ حابارلايدى “ادىرنا” ۇلتتىق پورتالى.
"بۇگىن مەن ءوز ەركىممەن "قازاۆتوجول" ۇك" اق باسقارما توراعاسى قىزمەتىنەن كەتەمىن. ەكى جىلعا جۋىق ۋاقىت بويى ارىپتەستەرىمىزبەن بار كۇش-جىگەرىمىزدى ۇزاق مەرزىمدى جول قۇرىلىستارىن اياقتاۋعا جۇمسادىق. وراسان زور جۇمىس اتقارىلدى. بۇگىنگى تاڭدا رەسپۋبليكالىق جول جەلىسىندە توقتاپ تۇرعان بىردە-ءبىر جوبا جوق دەپ نىق سەنىممەن ايتا الامىن", – دەدى مەيىرحان قاسىمباەۆ.
قاسىمباەۆتىڭ ايتۋىنشا، ول باسشىلىق ەتكەن ەكى جىل ىشىندە 7 ميلليون توننا اسفالت-بەتون قوسپاسى توسەلگەن، بۇل شامامەن 2,5 مىڭ شاقىرىم جاڭا اسفالت.
"جول سالاسى ەل باسشىلىعى تاراپىنان دا، تۇرعىندار تاراپىنان دا تالاي رەت سىنعا الىنعانى جاسىرىن ەمەس، بىلايشا ايتقاندا، جۇيەلى تۇردە شەشىمىن تابۋدى قاجەت ەتەتىن تۇيتكىلدى ماسەلەلەر كوپ", – دەلىنگەن جازبادا.
ايتا كەتەيىك، بۇعان دەيىن الماتى-قورعاس تاس جولىنداعى پەنوپلاستى الىپ، ولقىلىقتى كورسەتكەن جۋرناليست دياس نۇراقىننىڭ جازباسىن جاريالاعان ەدىك. جازبادا جۋرناليست ۇستىنەن ارىز تۇسكەن سوڭ، باسشى ورنىنان كەتكەنى ايتىلعان.
