28 qazannan bastap marshrýttyq jelige qyzmet kórsetý sapasyn jaqsartý maqsatynda, sondaı-aq jańa avtobýstardy satyp alý aıasynda elordada №27 jańa marshrýt iske qosylady. Bul týraly Astana ákimdigi jazdy, dep habarlaıdy «Adyrna» ulttyq portaly.
Jańa baǵyt "Materıaldyq-tehnıkalyq qamtamasyz etý basqarmasy" - "Baǵystan" turǵyn úı kesheni" qatynasymen júretin bolady.
Baǵdar "Qorǵaljyn kvartaly" TK, E-128, Áıteke bı jáne Ánet baba, Q. Muhamedhanov kóshesine kóliktik qyzmet kórsetýdi jaqsartady. Syǵanaq kóshesimen júretin jáne "Shyǵys" TK, "Sat City" TK turǵyn úı keshenderine qyzmet kórsetýdi júzege asyratyn № 29, 29A, 49, 61 baǵdarlarynyń júktemesin azaıtýǵa yqpal etedi.
Budan basqa, Orynbor, Túrkistan, F. Ońǵarsynova, E-117 kósheleri, Botanıkalyq baq, Uly Dala dańǵyly, "Venskıı Kvartal", "Besterek", "Jetisu.Aqsu" jáne "Baǵystan" turǵyn úı keshenderine kóliktik qyzmet kórsetýdi jaqsartýǵa múmkindik beredi.
«Adyrna» ulttyq portaly
