Ánshi Álı Oqapov jelidegi synnan keıin barlyq marapatynan bas tartatynyn málimdedi. Bul týraly ol Instagram jelisinde aıtty, dep habarlaıdy «Adyrna» tilshisi.
«Osy vıdeo arqyly men 32 jylda alǵan barlyq marapattarymnan bas tartam dep sheshtim. Muny baıaǵydan-aq istegim kelgen»,—dedi óner ıesi.
Álı Oqapov marapattardy qaıtarý úshin zańdardy muqııat oqyǵanyn atap ótti.
«Nagradalarda Qazaqstan Respýblıkasynyń memlekettik rámizderi beınelengen. Sondyqtan men zańdy zerttep, qaıtarý týraly normatıvtik quqyqtyq aktilerdi izdedim. Alaıda eshteńe tappadym. Ondaı norma joq. Menińshe, olaı eshkim de istegen joq. Sondyqtan nagradalarǵa qatysty quzyrly organdardyń sheshimin kútemin. Qandaı sheshim shyqsa, solaı isteımin. Barlyǵyn da jasaýǵa daıynmyn»,—dep túsindirdi ol.
Sondaı-aq estrada ánshisi Mádenıet jáne aqparat mınıstrligi men marapat berýge atsalysqan adamdarǵa alǵysyn bildirdi.
Eske salaıyq, buǵan deıin ánshi, mýzykant Álı Okapovtyń «Qurmet» ordenimen marapattalǵanyn, biraq ony jeli qoldanýshylary synaǵanyn jazǵan edik.
View this post on Instagram
<
