Qazaq qyzy Qytaıdyń eń joǵary memlekettik syılyǵyna ıe boldy

3206
Adyrna.kz Telegram
Foto: inform.kz
Foto: inform.kz

Qytaılyq qazaq qyzy, belgili óner juldyzy Rıza Álimjanqyzy Qytaıdaǵy eń joǵary memlekettik syılyqqa ıe boldy, dep habarlaıdy “Adyrna” ulttyq portaly.

QazAqparattyń málimetinshe, bıyl 33-ret úlestirilip otyrǵan Flying Apsaras syılyǵy – Qytaıdyń teleóner salasyndaǵy eń joǵary memlekettik marapaty. Rıza Álimjanqyzy «Minning Town» telehıkaıasyndaǵy róli úshin «Úzdik aktrısa» nomınaııasynyń ıegeri atandy.

«Minning Town» telehıkaıasy ótken jyly qańtar aıynda Qytaıdaǵy kórermeni eń kóp bes telearnada qatar kórsetilip, jurt óte joǵary baǵalaǵan edi. Oǵan Qytaıdyń Nınsıa dúngen avtonomııalyq regıonynyń Sıhaıgý aımaǵyndaǵy aýyl turǵyndarynyń kedeılikpen kúresi arqaý bolady. Telehıkaıada Rıza qazymyr ákeniń qatal úkimine kónbeı, taǵdyryn óz qolyna alǵan qaısar qyz Lı Shýıhýanyń beınesin somdap, akterlik sheberligimen kórermenderdi tánti etedi.

1 qarasha keshte Beıjińdegi Shoýgan arenasynda ótken syılyq ıegerlerin marapattaý rásiminde Rıza Álimjanqyzy sóz sóıledi.

«Men baqytty jan ekenmin. Qazylar alqasyna, eńbegimdi baǵalaǵan kórermenderge myń alǵys. Ózderińizge ana tilimde alǵysymdy bildirýge ruqsat etińizder, raqmet!» – dep aǵynan jaryldy.

Pikirler