Túrkistan oblysyndaǵy Boraldaı sý qoımasynyń qurylysy boljamdy túrde 17 mlrd teńgege baǵalanyp otyr, dep habarlaıdy "Adyrna" ulttyq portaly. Bul týraly Premer-Mınıstr Álıhan Smaıylov aıtty.
«Búgingi tańda tehnıkalyq-ekonomıkalyq negizdeme ázirlenýde, aldyn ala quny 17 mlrd teńgeni quraıdy. Boraldaı sý qoımasynyń qurylysyn qarjylandyrý máselesi ákimdiktiń usynýynyń qorytyndysy boıynsha bıýdjettik zańnamada belgilengen tártippen qaralatyn bolady. Túrkistan oblysynyń bıýdjettik ótinimi boıynsha tıisti jobalyq qujattamasy bar», - dedi Smaıylov Senat depýtattarynyń saýalyna bergen jaýabynda.
