Qyrǵyzstanda burynǵy kúıeýi murny men qulaǵyn kesip alǵan Ásel Noǵoıbaevany qoldaý maqsatynda «Men Asel» fleshmoby bastaldy. Bul týraly jelide vıdeo tarady, dep habarlaıdy “Adyrna” ulttyq portaly.
Jábirlenýshiniń ápkesi Dıana Elken 29 qazanda Bishkekte turmystyq zorlyq-zombylyq týraly fılmniń qaıyrymdylyq kórsetilimi ótetinin habarlady. Túsken qarajat Áselge aldaǵy operaııalar úshin beriledi.
Aıta keteıik, 36 jastaǵy qyrǵyzstandyq Ásel Nogoıbaeva burynǵy kúıeýiniń únemi uryp-soǵýynyń saldarynan ajyrasyp ketken bolatyn. Ajyrasqannan keıin burynǵy kúıeýi Áseldi úıinde, jumys ornynda, qoǵamdyq oryndarda kútip alyp, uryp-soǵýyn jalǵastyrǵan. Áseldiń aıtýynsha, otbasy birneshe ret polıııaǵa habarlasqan, biraq nátıje bolmaǵan.
21 qyrkúıekte Ásel Noǵoıbaeva pyshaq jaraqatymen aýrýhanaǵa túsken. Burynǵy kúıeýi onyń murny men qulaǵyn kesip tastaǵan. Áseldiń kámeletke tolmaǵan uldarynyń biri qylmystyń kýási bolǵan.
Atalǵan fakti Qyrǵyz Respýblıkasy Qylmystyq kodeksiniń 130-baby «Densaýlyqqa aýyr zııan keltirý» boıynsha tirkeldi. Onyń burynǵy kúıeýiniń ústinen qylmystyq is qozǵaldy.
