Belarýs prezıdenti Aleksandr Lýkashenko Qyrǵyzstan men Qazaqstanda bolǵan sońǵy oqıǵalar týraly pikir bildirdi, dep habarlaıdy «Adyrna» tilshisi.
Aıtýynsha, Qyrǵyzstan bıligi der kezinde arandatýǵa jasalǵan áreketterdi toqtata bildi.
«Jaraısyńdar, qoldaryńnan keldi. Bul ınfekııanyń ári qaraı taralýyna jol bermedińder. Demek, tarıhtan sabaq aldyńdar. Qurmetim sheksiz. Qyrǵyzstandy jaıyna qaldyryńyzdar!» — dedi ol UQShU-ǵa múshe memleketterdiń qaýipsizdik keńesteriniń hatshylarymen kezdesýde.
Sondaı-aq prezıdent bul áreketterdiń jaıdan-jaı bolyp jatpaǵanyn atap ótti.
«Qyrǵyzstandy bekerden-beker arandatyp jatyr dep oılaısyzdar ma? Joq. Olar Reseı arqyly Qytaıǵa jol tabatyndaı, Qyrǵyzstan arqyly Qazaqstanǵa ótkisi keledi. Osyǵan nazar aýdarý kerek»,— dedi Lýkashenko.
Aıta keteıik, Prezıdent Qasym-Jomart Toqaev Qańtar oqıǵasy kezine UQShU basshylarynan Qazaqstanǵa kómek kórsetýdi suraǵanyn bolatyn. Nátıjesinde elimizge UQShU-nyń birikken bitimgerlik áskerı kúshteri kelip, strategııalyq nysandardyń qorǵalýyn qamtamasyz etti.
