Almaty-Qorǧas tas jolyndaǧy penoplasty alyp, mäselenı körsetken jurnalistıŋ üstınen “QazAvtoJol” kompaniiasy aryz tüsırgen. Būl turaly basy dauǧa qalǧan jurnalist Dias Nūraqyn Facebook paraqşasynda jazdy, dep habarlaidy “Adyrna” ūlttyq portaly.
“Almaty oblysy Polisiia Departamentınıŋ qyzmetkerı habarlasty. Sızdıŋ üstıŋızden "QazAvtoJol" aryz tüsırdı deidı. "Mülıgımızdı qiratty" dep polisiiaǧa jügırgen eken. Özderı sapasyz jol salyp, künıne jüzdegen jürgızuşınıŋ kölıgın talqandap jatqandaryn bıle me eken būlar? Aitqanǧa könıp, aidauǧa jürmeimın dedım. QazAvtoJolmen sottasuǧa daiynmyn. Aldymen olar penoplasttyŋ mülık ekenın däleldesın. Sosyn penoplast polisiia aralasatyndai qymbat dünie bolsa, betonkanyŋ basqa jerlerınde nege joq ekenın tüsındırsın. Qysqasy "QazAvtoJol" men "soǧys" endı bastaldy. Popkorn köbırek alyp alyŋyzdar”, dep jazdy jurnalist.
Jurnalistıŋ jazbasynan keiın, “QazAvtoJol” ŪK” AQ ökılettı organǧa aryz-şaǧymdy merdıger ūiym tüsırgenın aitty.
Qazaqstan Respublikasynyŋ qoldanystaǧy zaŋnamasyna säikes tapsyrys beruşınıŋ merdıgerdıŋ operasiialyq jäne şaruaşylyq qyzmetıne aralasuǧa qūqyǧy joq, dep “QazAvtoJol” jurnalistıŋ jazbasyna pıkır qaldyrdy.
Aita keteiık, Jurnalist Dias Nūraqyn 19 qazan künı Almaty – Qorǧas baǧytyndaǧy kürejoldyŋ sapasyz salynǧanyn körsetıp, äleumettık jelıge video jariialaǧan. Beinejazbada joǧary sanatty jol sanalatyn avtobetonnyŋ quysyn kompaniia penoplastpen jamap qoiǧany aitylady. Keiın būl dauly bolyp, oǧan jauapty kompaniia jurnalistke onlain türınde qoqan-loqqy körsetedı.
Keiın qoqan-loqqy körsetken Almaty – Qorǧas tas jolynyŋ uchaske basşysy Mehmet Şahin “Adyrna” ūlttyq portalyna pıkırın bıldırgen bolatyn.
