Properm.ru saıtynyń málimetinshe, Reseıdiń Perm qalasynda polıııa basylym tilshisi Vladıslav Ivanenkony ustaǵan. Bul týraly basylymnyń ózi jazdy, dep habarlaıdy «Adyrna» ulttyq portaly.
Saıt aqparatyna súıensek, Ivanenkoda Qazaqstan azamattyǵy bar. Reseıde turyp kele jatqanyna 8 jyl bolǵan. Ustalmaı turyp, jýrnalıst yqtııarhatynyń kúshi joıylǵany jóninde habarlama alǵan.
Belgili bolǵandaı, jýrnalıst 9 qarashada ustaldy. Biraz ýaqyt buryn ol Reseı IIM-niń Perm ólkesi boıynsha bas basqarmasynan turýǵa yqtııarhatynyń kúshi joıylǵany týraly habarlama alǵan.
"Vladıslav Ivanenko buryn-sońdy ákimshilik ne qylmystyq jaýapqa tartylmaǵan. Properm.ru redakııasy ishki ister mınıstrliginiń Perm ólkesi boıynsha bas basqarmasynyń ótinishinde kórsetilgen – yqtııarhat kúshiniń joıylýyna negiz bolǵan jaıttar oıdan qurastyrylǵan dep sanaıdy. Odan bólek, sheshimge qatysty zańmen belgilengen merzimde shaǵym túsirilgen. Quqyq qorǵaý organdarynyń áreketi zańsyz, artyq dep esepteımiz jáne qyzmetker men redakııaǵa qysymdy toqtatýdy talap etemiz" dep jazylǵan redakııa málimdemesinde.
Ustalǵannan keıin Ivanenko sheteldikterdi ýaqytsha ustaý ortalyǵyna jetkizildi.
Sot onyń turýǵa yqtııarhatynyń joıý týraly sheshimdi toqtatqanyna qaramastan, keshe Ivanenko Ekaterınbýrg áýejaıyna jetkizilip, Qazaqstanǵa jer aýdarylǵany belgili boldy.
Búgin, 14 qarashada Permniń Kırov aýdandyq sotynda osy is boıynsha otyrys ótýi kerek edi.
"Biz quqyq qorǵaý organdarynyń áreketterin zańsyz dep sanaımyz. Biz ne bolyp jatqandyǵy týraly resmı túsinikteme talap etemiz. Sondaı-aq, tilshimizdi sottarda qorǵaýdy jalǵastyramyz", - dedi Properm.ru bas dırektory Denıs Vıhrov.
«Adyrna» ulttyq portaly
