Prezıdent Qasym-Jomart Toqaev orys tilin qoldaý jónindegi halyqaralyq uıym jobasyn maquldady, dep habarlaıdy «Adyrna» ulttyq portaly QazTAG-qa silteme jasap.
«Orys tilin qoldaý jónindegi halyqaralyq uıym jobasy maquldansyn»,- delingen Toqaevtyń jarlyǵynda.
Qazaqstannyń normatıvtik aktiler saıtynda jarııalanǵan qujatta «kelisim memleketaralyq qatynas tili jáne qarym-qatynas quraly retinde orys tilin saqtaý jáne damytý máseleleri boıynsha jan-jaqty ózara tıimdi yntymaqtastyqty nyǵaıtý úshin jaǵdaı jasaýǵa negizdelgeni» jazylǵan.
Qujatta orys tili BUU, TMD, Ujymdyq qaýipsizdik sharty uıymy, Eýrazııa ekonomıka odaǵy men Shanhaı yntymaqtastyq uıymynyń resmı ári/nemese jumys tili ekeni atap kórsetilgen.
«Uıymnyń maqsaty: kelisimge qol qoıǵan taraptar arasynda dostyq, tatý kórshilik, ózara túsinistik jáne ózara tıimdi yntymaqtastyqty damytý jáne nyǵaıtý; memleketaralyq qatynas tili jáne qarym-qatynas quraly retinde orys tilin saqtaý jáne damytý máseleleri boıynsha qatysýshy memleketterdiń jan-jaqty ózara tıimdi yntymaqtastyǵyn nyǵaıtý» dep jazylǵan uıym jarǵysynda.
Uıymnyń mindetteriniń biri retinde «orys tilinde bilim berý sapasyn qoldaý, «orys tili jáne ádebıet» jáne «orys tili shet tili retinde» baǵyttary boıynsha pedagogıka jáne ǵylymı kadrlardy daıyndaýǵa atsalysý, sonymen birge «Orys tili» jáne «Orys ádebıeti» pánderiniń oqýlyqtary men oqý nusqaýlyqtaryna saraptama júrgizý boıynsha tájirıbe almasý; memleketaralyq qatynas quraly retinde orys tilin qoldaý jáne tanymal etýdi kózdeıtin shyǵarmashylyq jobalarǵa grant baıqaýlaryn bekitý» dep jazylǵan.
Uıymnyń mindetteri:
- Orys tilinde sapaly bilim berýdi qoldaý, «orys tili men ádebıeti» jáne «orys tili shet tili retinde» baǵyttary boıynsha pedagogıkalyq jáne ǵylymı kadrlardy daıarlaýǵa jáne orys tilin oqytý salasyndaǵy mamandardyń kadrlyq rezervin qalyptastyrýǵa járdemdesý;
- Orys tili salasyndaǵy bilim berý proesiniń, ǵylymı zertteýler men tehnologııalyq ázirlemelerdiń materıaldyq-tehnıkalyq bazasyn nyǵaıtýǵa járdemdesý;
- Klassıkalyq jáne qazirgi zamanǵy avtorlarynyń ádebı shyǵarmalaryn orys tiline jáne orys tilinen basqa tilge aýdarýdy uıymdastyrýǵa járdemdesý;
- Orys tilin oqytý men oqytýdyń perspektıvalary men baǵyttaryn talqylaý boıynsha halyqaralyq ǵylymı konferenııalar ótkizý;
- Halyqaralyq kitap kórmelerin, orys tili boıynsha halyqaralyq dıktanttardy, sheshendik óner konkýrsyn ótkizý;
- «Orys tili» jáne «orys ádebıeti» oqý pánderi boıynsha oqýlyqtar men oqý quraldaryna saraptama júrgizý boıynsha tájirıbe almasýdy uıymdastyrý;
- Ultaralyq qarym-qatynas tili jáne kommýnıkaııa quraly retinde orys tilin qoldaý jáne nasıhattaý maqsatynda shyǵarmashylyq jobalardy iske asyrýǵa granttar alýǵa konkýrstar qurý.
Atalǵan qujatqa qol qoıýy tıis elder retinde Qazaqstan, Reseı, Ázerbaıjan, Armenııa, Belarýs, Qyrǵyzstan, Moldova, Tájikstan, Ózbekstan men Ýkraına jazylǵan.
«Adyrna» ulttyq portaly
