Parlament Mäjılısınıŋ deputaty İslam Sūŋqar «Iаndeks.Taksi» qyzmetınıŋ tarifın synǧa aldy, dep habarlaidy "Adyrna" ūlttyq portaly.
«Taksi qyzmetınıŋ qūny boiynşa älemdık reitingte Qazaqstan 73-şı orynda. 2024 jyldyŋ 31 nauryzyndaǧy jaǧdai boiynşa taksi qyzmetınıŋ 1 km-ge qūny $0,67 qūraidy – būl TMD elderı arasyndaǧy eŋ joǧary körsetkış. Ötken jyly Iаndeks.Taksidıŋ naryqtaǧy ülesıne alaŋdaǧan memlekettık organdar būl kompaniianyŋ qyzmetın retteuge äreket jasaǧanyn bılemız jäne bız jalpy nätijenı oŋ baǧalaimyz. Degenmen, bız Iаndeks.Taksi komissiiasynyŋ aimaqqa jäne tarifke bailanysty 11%-dan 17%-ǧa deiın ösetını, sonymen qatar taksoparkter üşın taǧy 4% komissiiasy bar ekenıne nazar audaryp otyrmyz », - dedı İslam Sūŋqar särsenbı künı Mäjılıs otyrysynda.
Onyŋ aituynşa, Qazaqstanda 200 myŋnan astam adam «Iаndeks.Taksi» jürgızuşısı bolsa, onyŋ 50 myŋ adamy būl qyzmettı negızgı tabys retınde, al qalǧan 150 myŋ adamy qosymşa tabys retınde qarastyryp otyrǧanyn aitty.
«Osydan bız qazaqstandyqtardyŋ köpşılıgı üşın jūmystaǧy negızgı tabysy jetkılıksız jäne olar qosymşa salyq töleuge mäjbür degen qorytyndy jasai alamyz. Ötken jyldyŋ qorytyndysyn şyǧarǧan BAQ qazaqstandyq taksi jürgızuşılerınıŋ tabysy medianalyq jalaqydan ekı ese köp ekenın habarlady. Bıraq bız kırıs pen jalaqyny salystyru orynsyz dep sanaimyz, öitkenı būl salystyrudy qajet etetın taza paida», - dedı mäjılısmen.
Deputat tüsındırgendei, «Eger sız Iаndeks.Takside 1 myŋ teŋgege bır tapsyrys jasap ony şartty türde komissiialyq tölemderge bölsek, mysaly benzinge, juuǧa, avtokölıktıŋ tabiǧi tozuyna jäne t.b. barlyq şyǧyndardy alyp tastasaŋyz, onda jürgızuşınıŋ taza tabysy şamamen 400 teŋgenı ǧana qūraidy».
«Osyny negızge ala otyryp, Halyqtyq partiia tūraqty tuyndaityn äleumettık şielenısterge bailanysty qazaqstandyq naryqqa şyǧatyn «Iаndeks.Taksi» jäne basqa da kompaniialardyŋ komissiialaryna tariftık saiasatty tömendetu boiynşa jūmys jürgızudı jäne jūmys platformasyn ūsynatyn otandyq taksi qyzmetın körsetu kompaniialarynyŋ damuyna qoldau körsetu tetıkterın äzırleudı ūsynady», - dep qorytyndylady Sūŋqar.
Ūqsas jaŋalyqtar
