Prezıdent Qasym-Jomart Toqaev Joǵarǵy sot tóraǵasy Aslambek Merǵalıevti qabyldady, - dep habarlaıdy "Adyrna" tilshisi Aqordanyń baspasóz qyzmetine siltep.
Memleket basshysyna elimizdegi sot júıesin jańǵyrtý jumysynyń barysy tanystyryldy.
Joǵarǵy Sot tóraǵasy sot pen sýdıalardyń táýelsizdigin qamtamasyz etý, sýdıalar korpýsyn bilikti zańgerlermen nyǵaıtý, sondaı-aq sot úderisinde azamattar men bızneske beriletin kepildikti kúsheıtý mindetteriniń oryndalýy jóninde aıtty.
Sonymen qatar, Prezıdentke sot qyzmetin analıtıkalyq turǵyda kúsheıtý, oblystyq sot tóraǵalarynyń jaýapkershiligin arttyrý úshin qabyldanyp jatqan sharalar jóninde málimet berildi.
Qasym-Jomart Toqaev sot júıesindegi reformalardy sapaly júzege asyrý jáne qoǵamnyń sottarǵa degen senimin arttyrý, sondaı-aq azamattardyń quqyǵyn qorǵaýdy kúsheıtý jumystaryn jalǵastyrý mańyzdy ekenine nazar aýdardy.
