18 qazanda Qytaı astanasy Pekınde «Bir beldeý, bir jol» halyqaralyq yntymaqtastyq forýmynyń úshinshi otyrysy saltanatty túrde ashylady. Sol qarsańda jergilikti BAQ osy jobanyń mańyzy jaıynda jıi jazyp, kórsetip, talqylap jatyr. «Jenmın jıbao» (Halyq gazeti) basylymynyń qazaqsha nusqasynda jarııalanǵan Qazaqstan-Qytaı qatynasy týraly keıbir maqalalarǵa sholý jasaǵandy jón kórdik.
Osy forým qarsańynda «Jenmın jıbao» gazetinde Qazaqstan-Qytaı arasyndaǵy mańyzdy aqparattar jarııalanyp, eldiń yntymaqtastyq qarym-qatynasy sóz etilýde.
17-18 qazan aralyǵynda Beıjińde «Bir beldeý, bir jol» halyqaralyq joǵary deńgeıdegi yntymaqtastyqtyń úshinshi forýmy ótýde. Elimizdiń sarapshylary «Bir beldeý, bir jol» birlesken qurylysynda Ortalyq Azııanyń bes eli sheshýshi bolyp tabylatynyn aıtýda.
Prezıdent Qasym-Jomart Toqaev osy forýmǵa qatysý maqsatynda is-saparmen QHR attanǵan bolatyn. Qazaq tilinde saıraǵan qytaılyq saıtta qos basshynyń kezdesýi týraly aqparat basty bette tur.
Qazaqstandyq sarapshy Aıdar Ámirbaev yntymaqtastyqtyń úshinshi forýmy «Bir beldeý, bir jol» sharalaryn birlesip talqylaýǵa jáne odan ári damý úshin strategııalyq negizgi baǵyttardy belgileýge tamasha múmkindik ekenin jetkizdi.
QYTAI TAQYRYBYNA ARNALǴAN KITAP DÚKENI
«Jenmın jıbao» basylymynda jarııalanǵan taǵy bir maqalaǵa kóz salsaq, «Bir beldeý, bir jol» birlesken qurylysy aıasynda Qazaqstanda «Qytaı tiline qyzyǵýshylyqtyń» artqany ári kúlli Ortalyq Azııadaǵy Qytaı taqyrybyna arnalǵan alǵashqy kitap dúkeni Qazaqstanda ashylǵany habarlanyp tur.
Maqalada: «... qytaı tilin úırený arqyly «Bir beldeý, bir joldyń» múmkindikterin paıdalaný Qazaqstandaǵy kóptegen jastyń tańdaýy boldy. Qazaqstanda qytaısha kitaptar men Qytaı tilin úırený boıynsha kitaptardyń jarııalanýy men taralymy jyldan jylǵa artyp keledi. Qazaqstannyń birneshe kitaphanasynda «Qytaı terezesi», «Qytaı ádebıetiniń buryshy» ashyldy, al Almaty qalasynyń bas kóshesinde Ortalyq Azııadaǵy Qytaı taqyrybyna arnalǵan alǵashqy kitap dúkeni jumys bastady»,-delingen.
Almaty qalasynyń ortalyq kóshelerinde ornalasqan kitap dúkenderiniń birinde «Bir beldeý, bir joldyń» on jyldyǵyna baılanysty Qytaı ádebıeti men mádenıetine qyzyqqandar qatary kóbeıip keledi eken.
QAZAQTYŃ ET PEN MAIYNA SURANYS
«Jenmın jıbao» basylymyndaǵy taǵy bir maqalaǵa qaraǵanda, sońǵy kezderi Qytaı dastarhanynan qazaqstandyq aýyl sharýashylyǵynyń ónimderi men qazaqstandyq un men maıdy jıi ushyratýǵa bolady. Qazaqstandyq fermerler men kásipkerler, eksporttyq kompanııalar Qytaıdyń tutyný naryǵynyń áleýetin jaqsy sezinýde.
Qyrkúıek aıynyń basynda Úrimjide Qytaı men Qazaqstan arasyndaǵy halyqaralyq aýyl sharýashylyǵy yntymaqtastyǵyn damytý jónindegi konferenııa ótip, qazaqstandyq 11 kompanııanyń ókilderi tuqymdardy zertteý men ázirleýdi, jemister men kókónisterdiń kóshetterin ósirýdi, aýyl sharýashylyǵy tehnıkasyn óndirýdi, aýyl sharýashylyǵy ónimderi men janama ónimderdi qaıta óńdeýdi jáne basqa da salalardy qamtıtyn suranystyń toǵysýyn júrgizgen bolatyn.
Taǵy bir maqalada «Bir beldeý, bir jol» birlesken qurylysy aıasynda aýyl sharýashylyǵy salasyndaǵy Qytaı-Qazaqstan yntymaqtastyǵy jemisti bolatyny aıtylǵan.
QHR-dyń Qazaqstandaǵy tótenshe jáne ókiletti elshisi Chjan Sıao bir málimdemesinde: «Sizderdiń azyq-túlikterińiz: bıdaı, un, bal, ósimdik maıy, ásirese, et Qytaıda óte tapshy – óıtkeni oǵan suranys zor» degen bolatyn.
Al Qytaıdyń aýyl sharýashylyq salasy eldiń áleýetimen básekeles bola almaıtyny belgili. Sondyqtan bul joba aýyl-sharýashylyǵy úshin paıdasy mol bolýy yqtımal.
JÝNGO BASTAǴAN «JIBEK JOLY»
«Bir beldeý, bir jol» bastamasy Qytaı damý bankiniń nesıeleri esebinen shetelde kólik, energetıka jáne basqa da ınfraqurylymdardy salý baǵdarlamasy retinde bastalǵan bolatyn. Joba maqsaty ejelgi "Jibek joly" saýda marshrýttarynyń 21 shi ǵasyrdaǵy nusqasyn jasaý jáne Qytaıdyń Taıaý Shyǵyspen, Eýropamen saýda-ekonomıkalyq qatynastaryn nyǵaıtý bolyp otyr.
Bul jobaǵa qatysty QHR-dyń Qazaqstandaǵy elshisi Chjan Sıao Qytaı men Qazaqstan memleket basshylarynyń strategııalyq basshylyǵymen jáne derbes alǵa jyljýymen «Bir beldeý, bir jol» bastamasy eki el arasyndaǵy pragmatıkalyq yntymaqtastyqty damytýǵa udaıy yqpal ete otyryp, Qazaqstannyń damý strategııasymen tereń ıntegraııalanǵanyn atap ótken bolatyn.
«Adyrna» ulttyq portaly
