Qazaqstan Ukrainadaǧy jaǧdaidy retteu jönındegı kelıssözder üşın öz alaŋyn bırneşe ret ūsynǧany turaly aqparat tarady, dep habarlaidy "Adyrna" ūlttyq portaly.
Būl turaly Resei syrtqy ıster ministrınıŋ orynbasary Mihail Galuzin TASS-qa bergen sūhbatynda aitqan.
Mihail Galuzin Qazaqstan basşylyǧynyŋ Ukrainadaǧy jaǧdaiǧa nazar audaryp, qaqtyǧysty beibıt jolmen retteuge baǧyttalǧan bastamalaryn Resei tarapy joǧary baǧalaitynyn atap öttı.
«Astana kelıssözder ötkızu üşın öz alaŋyn bırneşe ret ūsyndy», – dedı Resei SIM basşysynyŋ orynbasary.
Onyŋ aituynşa, Resei men Qazaqstan arasynda özara senımge negızdelgen qarym-qatynas qalyptasqan. Būl taraptarǧa strategiialyq maŋyzy bar bırqatar mäsele boiynşa aşyq dialog jürgızuge mümkındık beredı.
Galuzin Qazaqstandy Reseidıŋ Täuelsız Memleketter Dostastyǧyndaǧy jaqyn serıktesterınıŋ bırı ärı odaqtasy dep atady.
Resei SIM ökılı Mäskeu Ukrainadaǧy jaǧdaidy retteuge qatysty Ankoridjdegı kelısımderge adaldyǧyn saqtap otyrǧanyn da aitty.
«Ukraina töŋıregındegı jaǧdaidy diplomatiialyq jolmen retteuge bolady dep sanaimyz. Ol üşın tiıstı saiasi erık qajet», – dedı Mihail Galuzin.
Būǧan deiın Qazaqstan tarapy halyqaralyq jäne öŋırlık mäseleler boiynşa kelıssözder jürgızuge alaŋ ūsynuǧa daiyn ekenın bırneşe ret habarlaǧan.
